Friday, February 8, 2008

காட்டு மிருகம் நாட்டில்

நான் தான் காவலன் முத்து,
சத்தியம் கடமை, நேர்மை,
எனக்குக் கிடைத்த முத்து
என் தந்தையின் இது வேதவாக்கு
அவர் மரணப்படுக்கையின் வாக்கு
"முத்துக்கண்ணா,,,,,,,,
நியாயத்திற்குச் செய்த போர்
அதில் கிடைத்த மெடலைப் பார்
லஞ்சம் பக்கம் திரும்பாதே,
பேராசையில் கையை நீட்டாதே "

ஓய்வு பெறும் வரை
வாழ்ந்தார் ஒரு சின்ன வீட்டில்
அவருடன் சேர்ந்தவர்கள்
வாழ்வது பங்களாவில்
"பிழைக்கத் தெரியாதவன்"
தட்டினார்கள் மட்டம் ,
நேர்மைக்கு ஒரு பாராட்டு,
அதுவே கிடைத்தப் பட்டம் ,
அவர் கொள்கையில் வாழ்ந்தேன்
அதிலே இன்பம் கண்டேன்
பிடித்தேன் ஒரு நாள்
கையும் களவுமாய்
ஒரு ரௌடியை ,
பலாத்காரம் செய்த குற்றம்
பெண்ணைக் கொன்ற குற்றம் ,
கண்ணால் பார்த்ததும் நானே,
அதன் சாட்சியும் நானே ,

அரசியல் நுழைந்தது ,
சாட்சிகள் மாற்றப்பட்டன
மந்திரியின் மகனாயிற்றே!
அடி வாங்கினேன்
துன்புறுத்தப்பட்டேன்
என் கொலைக்கும் திட்டம்
கேஸ் அனுமார் வால் போல் நீள்
பெயரளவுக்கு அவன் உள்ளே
சீக்கிரம் வெளி வருவான் ,,,,,,

ஆனால் என் வாழ்க்கை?
அன்பு மனைவி விபத்தில்
இன்று அவள் இல்லை ,
நான் ஒரு காட்டு இலாக்காவில்
மிருகங்களோ நாட்டில் ,!
உண்மை ஒரு நாள் வெல்லும்
என் தந்தை மனமும் வாழ்த்தும்

அன்புடன் விசாலம்

Sunday, November 18, 2007

மனித ஈரம் எங்கே

மா ,,மா,, கத்துக்கிறேன்
கழுத்தைத் திருப்புகிறாள்
என் அழகு அம்மா ,,
ஓரக்கண்ணால்
பார்க்கிறாள் ,
முகத்திலே ஒரு பரிதாபம்
எப்படி வருவாள் என்னிடம்
கட்டப்பட்டிருக்கிறாள்
ஒரு கோடியில் ,
வெயிலின் கடுமையில் நான் ,,
என்னைப் பிரித்த மகானுபாவன்
சுயநலவாதி மாட்டுக்காரன்
பால் பெருக்க ஊசி எடுப்பான்
என் அம்மாவுக்கு
ஒரு சுருக்,,,,,,,,,,
வாலை ஆட்டி மறுப்பாள்
அம்மா என்று அழைப்பாள்
பொறுமையுடன் வலி பொறுப்பாள்
பாலும் சுரப்பாள் மக்களுக்கு

நான் குடிக்க பாலில்லை
மக்கள் மனதில் ஈரமில்லை
மாட்டுக்காரன் என்னைக் கழட்ட
வாலைத் தூக்கி ஓடுகிறேன்
என் அம்மா என்னை நக்குகிறாள்
எனக்கும் பாலை ஊட்டுகிறாள்
முட்டிப் பார்த்தும் பாலில்லை
அம்மா கண்ணீர் வடிக்கிறாள்
அன்புடன் விசாலம் ,

வெட்டிப்பேச்சு

பேச்சைக் குறைக்கலாம்
உழைப்பைப் பெறுக்கலாம்
ஓயாப் பேச்சு
சக்தி போச்சு
வெட்டி பேச்சு
ரொம்ப ஆச்சு
சோமபல் கொடுக்கும்
முன்னேற்றம் தடுக்கும்
மௌனச் செடிகள்
செய்கின்றன கடமைகள்
இயற்கையும் மௌனத்தில்
தவறாது கடமையில்
மௌனத்தில் இருப்பது ஒரு ரகசியம்
தக்ஷிணாமூர்த்தி தத்துவம் அவசியம்


அன்புடன் விசாலம்

அன்னை மகாசமாதியான தினம்

அன்னை மீராம்பிகா ,,,,, பாண்டிசேரி அன்னை மகாசமாதி ஆன நாள் நவம்பர் 17 பாரிசில் பிறந்த அன்னை பகவத் கீதையை மிக ஆர்வமாகக் கற்று அதில் வரும் கண்ணனை இந்தியாவில் தரிசித்தார் அவ்ர் வேறு யாருமில்லை மகரிஷி ஸ்ரீ அரவிந்தர் தான் இவர் அன்னைக்குக் கண்ணனாகவே காட்சி தந்தார் அன்னைப் படித்த சூட்சும வித்தைக்களும்
அசாத்தியத் திறன்களும் நம்பமுடியாத அதிசியங்களும் தெய்வ லோகத்திற்கே உரியது
என்றும் தெய்வங்கள் மனித சுபாவம் பெற்றுள்ளதால் அவர்களின் உதவியால் பூரண யோகம்
அடைவது க்டினம் என்று ஸ்ரீ அரவிந்தர் கூறினார் இதற்கு என்ன செய்வது ஆம் சத்திய ஜீவிய
சக்தியை உடனே இந்த உலகின் கீழ் கொண்டு வர முயல வேண்டும் பின் உலகத்தில் மரணமில்லா பெருவாழ்வுதான் ,அதற்கு ஒரு 12 பேர்கள் தயாராக வேண்டும் என்றார் அதற்கு
யாரும் வர துணியாதலால் ஸ்ரீ அரவிந்தர் சூட்ச்ம உலகுக்குச் சென்று அங்கிருந்து தவம் இருந்து சத்திய ஜீவிய சக்தியை உலகுக்குக் கொண்டு வருமபடி செய்தார் ,அதைப்பூர்த்திச்
செய்யச் சொல்லி அன்னையிடம் ஒப்பித்துவிட்டு அவர் சித்தி அடைந்தார் ,அன்னையின் இந்த யோகம் முடிவு பெறாமல் நின்று விட்டது அது மட்டும் முடிந்திருந்தால் மனிதனுக்கு
மாபெரும் சக்தி கிடைத்திருக்கும்,, ,,,என்கிறார் கர்மயோகி
அன்னை ந்ம் அழைப்புக்குக் காத்திருக்கிறார் ,,அழைத்தவுடன் ஒடோடி வருகிறாள்,,,,
அன்னை இறைச்சக்தி அவளிடம் நேராகப்பேசி மனம் விட்டு உங்கள் பிரச்சனையைக்
கூறுங்கள் பின் அன்னையிடம் சமர்ப்பணம் செய்துவிடுங்கள் உடனே வழி பிறப்பதைப்
பார்ப்பீர்கள்
ஆனால் தேவை மனம் சுத்தம் உடல் சுத்தம் சுற்றம் சுத்தம் ,,,,சத்தியம் சாந்தம் ,,,,,,,,,,,,,,,,,
ஆனந்தமயீ சைதன்யமயீ சத்தியமயீ பரமே ,,,,,,அன்னைக்கு வணக்கங்கள்
அன்புடன் விசாலம்

கட்டுவேன் தாலி

பொன்னுதாயி

மாடு மேச்சு போற மச்சான் ,
என்னப் பாக்காம் போறயே !
மனச கிள்ளிப் போட்டாயே
பரிசம் போட வருவாயா?

முனுசாமி

கையில் செல்லு காசு இல்லைடி
தாலி வாங்க பணம் ஏதடி ?
நில விளச்சலும் இல்லையடி
வேறு ஆள நீ பாத்துக்கோடி

பொன்னுதாயி

வருமானம் என்னாத்துக்கு
மனப்பொருத்தம் போதுமில்ல
மஞ்சள் கயிறு கட்டு மச்சான்
தங்கத்தாலி தேவையில்ல

பத்து தேச்சு உழைக்கறேன்
கஞ்சி வச்சு அன்பு த்ரேன்
இட்லி வித்து காசு தரேன்
தாலி மட்டும் கட்டு மச்சான்

முனுசாமி

ஆ என் கண்ண துறந்துபுட்ட
உன் அன்ப காட்டிபுட்ட
எறுதுழுது வச்சிடுவோம்
ஒன்று சேர உழச்சிடுவோம்

பொன்னுதாயி

அப்படி வா வழிக்கு மச்சான்

கோயில்ல வந்து தாலிகட்டு
மாரியாத்தா கண் திறப்பா
கஞ்சி குடிக்க வழி செயவா

முனுசாமி

நெற்றி வேர்வ சிந்த உனக்கு
தாலி செஞ்சு கட்டுவேன்
உழைக்கும் சனம் வளரட்டும்
ஒத்துமையும் உயரட்டும்


அன்புடன் விசாலம்

Monday, November 12, 2007

சீரடி சாயி இரண்டாம் பாகம்

பாகம் 2
திரு ராமசந்திர படேல் என்பவர் மிகவும் நோய்வாய்ப்
பட்டிருந்தார் அவர் எப்போதும் சீரடி நாம ஸ்மரணையில் இருந்தார் கடைசிக்காலம் போல் நாடி துடிப்பு குறைய
ஆரம்பித்தது ஒரு நாள் இரவு ,தூக்கம் வராமல் கண்ணை மூடிக் கொண்டிருந்தார் அப்போது சீரடி பாபா தலைப் பக்கம் வந்து நின்றார் ,ராமசந்திரபடேல்
கேட்கிறார் "பாபா எனக்கு வலி தாங்க முடியவில்லை எனக்கு எப்போது மரணம் வரும்" ?
"நீ பிழைத்து விடுவாய் ,ஆனால் தாத்யா படேல் உடல் நலம் குன்றி விஜயதசமி அன்று மரணமடைவார் ,இதை
ஒருவரிடம் தெரிவிக்காதே முக்கியமாக தாத்யாபடேலுக்கு
தெரிவிக்காதே அவர் இதை நினைத்து நினைத்தே
பயத்தில் உடல் இன்னும் மோசமாகிவிடும்"
பாபா இதைச்சொல்லி விட்டு மறைந்து விட்டார் ,
சிலதினங்களுக்குள் தாத்யாபடேல் சுரத்தில் மிக மோசமான
நிலையை அடைந்தார்,விஜயதசமியும் நெருங்கியது
ஆனால் அவர் சதா சர்வ காலமும் பாபாவையே
நினைத்து அசைக்கமுடியாத நம்பிக்கையில் "பாபா என்னைக் காப்பாற்றி விடுவார் " என்று சொல்லி வந்தார்
அப்போது தான் ஒரு திடீர் திருப்பம் ,அன்பே தெய்வமாக வந்த பாபா
அவரின் உடல் நிலையைத் தான் பெற்றுக் கொண்டார்
அவரைப் பிழைக்க வைத்து விட்டார் தாத்யா படேலின்
நம்பிக்கை வீண் போகலாமா? பாபா தன் முடிவை விஜயதசமி
அன்று தீர்மானித்துக் கொண்டார் அதனால் பாபாவுக்கு
உடல் தளர்ச்சி ஏற்பட்டது,ஆனால் விஜயதசமி அன்று
மிகவும் சுறுசுறுப்பாக எழுந்து உடக்கார்ந்திருந்தார் எல்லோருமே பாபா நம்மிடையே பல வருடங்கள் இருப்பார் என்ற நம்பிக்கையில் இருந்தனர் ,மகிழ்ந்தனர் ஆனால் அவருக்குத் தெரிந்தது தன் முடிவு நெருங்கி விட்டது என்று,,,,,கடைசியாக பகதை ஸ்ரீ லட்சுமிபாய் சிண்டேயைக்
கூப்பிட்டார் பின் அவளுக்கு ரூபாய் ஒன்பது வழங்கினார்
பின் எல்லா சீடர்களையும் பகதர்களையும் அனுப்பி
விட்டார் திரு காகா சாஹேபிற்கும் பாபூ சாஹேப் பூட்டிக்கும்
அவரை விட்டுப் போக விருப்பமில்லை ஆனாலும் அவரது கட்டளைக்குக் கட்டுப்பட்டனர் மஸ்ஜித்திற்கு
சென்றனர் பாபாவின் வருகையை எதிர்ப்பார்த்துத்
தங்கினர்
பையாஜி மட்டும் அவருடன் இருந்தார் பாபாவின் முச்சு
வாங்க பையாஜியின் மேல சாய்ந்துக் கொண்டார்
பாகோஜி என்பவர் இதைப் பார்த்த மாத்திரத்தில் தண்ணீர்
எடுத்து ஒடோடி வந்தார் அவர் வாயில் தந்தார் ஆனால்
தண்ணீர் வெளியே வழிந்தது "ஓ தேவா" என்ற அலறல்
அவர் வாயிலிருந்து வந்தது "ஹா"என்றார் பாபா
பின் நிசப்தம் தான் ஒரு சலனமும் இல்லை ,அசைந்த
உயிர் சமாதி நிலையை அடைந்தது ஒரு வேப்பமரமே
அவரது மாளிகையாக இருந்தது அவர் உடையில்
பட்டும் பிதாமபரமும் இல்லை ஒரு கிழிந்த வேஷ்டியும்
ஒரு அழுக்குத் துண்டும் தான் அலங்கரித்தது அவர் உணவோ எல்லோரிடத்திலும் கேட்டு பின் அதை ஒன்றாக்கியக் கதம்பம்
எத்தனை எளிமையான வாழ்க்கை ,,,,,பாபா கோடானுகோடி மக்களுக்கு இன்று சொந்தம் அனபு
சிரததை பொறுமை என்ற கொள்கைகள் அவரின்
வேதவாக்கு
விஜயதசமி அன்று சாவடியிலிருந்து துவாரகாமாயிக்கு
பக்தர்கள் பாபாவை ஒரு பல்லக்கில் அலங்கரித்து
ஆர்ப்பாட்டத்துடன் வண்ணக்கலர் தூவி வாத்தியங்கள் டோல் முழங்க பல
நிகழ்ச்சிகளுடன் கதாகாலட்சேபத்துடன் அழைத்துச்
செல்வார்கள் பாபாவின் படம் தாங்கிய பல்லக்கை ஒரு அழகியக் குதிரை சுமந்து செல்லும் அதன் பேர் "ஷ்யாம்
சுந்தர் "பாபாவின் தலைக்கு மேல் பின்னல் வேலைகள்
செய்த வண்ணக்குடை ,,,,,,,,,
இந்த ஊர்வகத்தைப் பார்க்க பகதர்கள் கூட்டம் அலை மோதும்
அவர் சமாதியில் இருந்தாலும் இன்றும் அவர் உயிருடன்
இருக்கிறார் எல்லோரையும் அருள் பாலித்து வருகிறார்
நம்பினால் கேடபது கிடைக்கிறது மனம் அமைதி
அடைகிறது அவர் ஹிந்து கோவிலிலும் இருந்தார்
மஸ்ஜித்திலும் இருந்தார் ,ஹோமமும் செய்தார்
குர்ரானும் படித்தார் அவருக்கென்று தனி மதம் கிடையாது ,இன்றும் பலதரப்பட்ட மதத்தினர் அங்குத்
திரள் திரளாகச் சென்று அருள் பெற்று பயனடடவதைக்
நான் கண்கூடாகப் பார்க்கிறேன் என் வாழ்க்கையிலேயே
பல ஏற்றம் அவரால் ஏற்பட்டிருக்கிறது "சாயி ஸச்சரிதா"
படித்துப் பயன் அடையுங்கள் ஒரு வியாழனன்று
ஆரம்பித்து மறு புதனில் முடித்து பின் மறுதினம் ஏழைகளுக்கு உணவு வழங்க வேண்டும் ,ஒன்று மனதில் நேர்ந்து கொண்டும்
இதைச் செய்யலாம் அல்லது லோகத்தின் சுபீட்சத்திற்கும்
இதைப் படிக்கலாம் ,,,இதை என்னை எழுத வைத்த
சீரடி சாயிநாத்திற்கு நன்றியுடன் ப்லகோடி வண்க்கங்கள்
ஓம் சீரடி சாயி நாத்திற்கு ஜெய் ,,,,,,,,,
அன்புடன் விசாலம்

ஷீரடி சாயி

விஜயதசமி என்றால் எல்லோருக்கும் முதலில் நடக்கும் முத்தேவிகளின் ஆராதனையும் பின்
ஆயுதபூஜையும் உடனே ஞாபகம் வரும் ,நான் தினமும் ஷீரடியின் சாயி ஸச்சரிதா படிப்பேன்
அதில் "சாவடி ஊர்வலம் "என்ற பகுதி இரவு படுக்கும் முன் படிக்க அல்லது கண்முன் அந்தக்
காட்சியைக்காண மிகவும் நன்மைப் பயக்கும், ஷீரடியில் இன்றும் விஜயதசமி அன்று ஊர்வலம்
நடக்கிறது .சிறப்பு என்னவென்றால் ஹிந்துக்களும் முஸ்லிம்களும் மற்ற எல்லா மதப்
பிரிவுகளும் இதில் பங்கு ஏற்கின்றனர் ,ஒருவித சச்சரவுமில்லாமல் அமைதியாகச் சிறப்புடன்
நடைப்பெருகிறது அன்பும் பாசமும் கலந்த ஊர்வலம் ,பிரசாதமும் எல்லாவித உணவும் கலந்த ஒன்று ,சீரடிபாபா ஒரு ஜோலிப்பையில் எல்லோரும் கொடுக்கும் உணவைச்
சேகரித்து பின் அதைக்கலந்து எல்லோருக்கும் வினோகித்து பின் காக்கை குருவி நாய் பூனை
போன்றவைகளுக்கும் போட்டு பின் அவர் சாப்பிடுவாராம்
இதே விஜயதசமி அன்றுதான் அவர் சித்தி அடைந்தார் அவர் வாழ்ந்த வாழ்க்கை மிக எளிமை
ஆன ஒன்று .ஷீரடிக்குள்முதன் முதலாக அவர் நுழைந்தப்போது அவர் சீதனம் ஒரு செங்கலும் இரண்டு சாக்குகளும்தான்,"சாயி"என்றால் கூட வாழும் இறைவன் "என்று பொருள்
கொள்ளலாம் அவரின் ஒரே மந்திரம் "அல்லா மாலிக் ,பல கோடி மக்கள் இன்று அந்தப் பக்கிரி பாபாவைன் பொற்கமலங்களைப்பற்றி அமைதி காணுகிறார்கள்

பாபா தான் படுக்கப் போகும் போது தான் கொண்டு வந்தச் செங்கலை ஒரு பழைய
துணியில் சுற்றி அதில் தலை வைத்துக் கொள்வார்.அவருக்கு உதவ ஒரு குட்டிப்
பையன் ,,பாபாகூடவே இருந்து அவர் படுக்கப் போகும் முன் தூசியும் தட்டிக் அந்த இடத்தைக் கூட்டுவான் ,அவர் இறக்கும் சில தினங்களுக்கு முன் அவன் தான் கூட்டும்
போது குப்பை செங்கலில் விழ்க்கூடாதே என்ற நல்லெண்ணத்தில் செங்கலை ஒரு
துணியில் சுற்றத் தூக்கினான ஆனால் அது கைத்தவறி கீழே விழுந்து இரண்டாகி விட்டது
மிகவும் வருந்தி அழ ஆரம்பித்தான் பாபா வெளியில் போயிருந்தவர் உள்ளே வந்தார் ,
செங்கல் உடைந்ததைக் கண்டார் ,அந்தச் செங்கலில் தலை வைக்க புதுப்புது
சிந்தனைகளும் ஞானமும் பூககளாக மலருவது அவருக்குத்தான் தெரியும் அது உடைந்தது
அவருக்கு தன் ஆயுள் முடியும் தருணம் வந்து விட்டது என்று புரிந்தது
அந்த மரணமும் அவர் தன் பக்தனின் ஆயுள் முடிவைக் காப்பாற்ற தான் அதை ஏற்றுக் கொண்டு விட்டார் ,,,,,,,,,,,,,,,,போலோ சச்சிதானந்த சத்குரு சாயி ம்ஹராஜ் கி ஜெய்

நாளை முடியும் ,,,,,,,,,