Monday, April 2, 2007

"நம்பிக்கை"எனும் பள்ளியிலே...



ஆசிரியர் தினம் முடிந்தது நான் ஒரு ஆசிரியை [ஹெச். எம்] ஆனாலும் நான் ஒரு மாணவிதான் அதுவும் இப்போது புதிதாக சேர்ந்திருக்கும் பள்ளியின் பெயர் "நம்பிக்கை"
இதில் சேர ஒரு டொனேஷனும் இல்லை interview வும் இல்லை வியப்பு என்னவென்றால் நான் இதில் சேரும்படி ஒரு அன்பு வேண்டுகோள் கிடைக்க சேர்ந்துக் கொண்டேன்.
எங்கள் ப்ள்ளியின் முதல்வர் +ராமா என்பவர். ரொம்ப கருணைமிக்கவர். முகத்தில் எபோதும் ஒரு சாந்தம். அனுமானின் பக்தர் ஆனால் அடிக்கடி வனவாசம்...! இல்லை...இல்லை... நகரவாசம் போய்விடுகிறார்.
வேலை பளு பாவம் அவர் என்ன செய்வார்? போனாலும் தன் கடமையை சரியாக செய்து வருகிறார். இந்தப் பள்ளியில் பல பேர்களை நான் பார்த்ததில்லை. ஆம் சொல்ல மறந்துவிட்டேனே!
இது கணினிவழியாக நடத்தப்படும். என்னை பொறுத்த மட்டும் ஒரு
பள்ளி. இங்கு நான் நிறைய கற்றுக் கொள்கிறேன்.
எனக்கு ஒரு ஆசான் உண்டு அவரைப் பார்த்து பேசி இருக்கிறேன். அவர் பெயர் திரு காழியூரார் அவர்கள் வயதில் என்னைவிட சின்னவர் ஆனாலும் அவர் ஒரு சித்தர் என்று என் மனம் கூறுகிறது. எல்லாவிதமான ஆன்மீக சந்தேகங்களுக்கும் அவர் பொறுமையாக பதில் தருவார்.
ஒரு சமயம் தேவியிடமிருந்து ஞானப்பால் உண்டு இருப்பாரோ?
ஒரு தமிழ் வாத்தியார் உண்டு, கொஞ்சம் கண்டிப்பு ஆங்கிலம், தமிழுக்கு இடையே நுழைந்தால அவருக்கு ஆகாது! நாசூக்காக அதைப் புரியவைப்பார். என் எழுத்து பிழையும் சரி செய்து கொடுப்பார் அவர்தான் மஞ்சூர் ராசா அவர்கள். அவரால் என் தமிழ் மேலும் வளரும்.
ஒரு சில வெண்பா இயற்றும் ஆசிரியர்களும் உண்டு! அதில் ரமணன் என்பவர் எந்த தலைப்பிலும் வெண்பா இயற்றி விடுவார். பாடுவதிலும் சிறந்தவர் அவர் பாட்டைக் கேட்டிருக்கிறேன் அழகான குரல் நல்ல, சுருதி லயம் இசைக் கேட்டுப் பரவசமானேன்.
பெண்களிலே பரமேச்வரி திருமதி விஜி, மீனா, இவர்கள் எழுத்தும் எனக்கு மிக பிடிக்கும்.பாசத்தை பொழிவார்கள்.
சில குறும்பு மாணாக்கர்களும் உண்டு! ஆனால் அவர்கள் குறும்பு மிக ரசிக்கும் தன்மையாக இருக்கும். சிவசங்கர்,சுரெஷ், உமாநாத், நிலாரசிகன், தியாகு, வினோத், ராஜூவிக்னேஷ் எல்லோரும்
வருங்கால பாரதத்தை வளமாக ஆக்கும் ஆற்றல் பெற்ற இளைஞர்கள். அவர்களிடமிருந்தும் நிறையக் கற்றுக்கொள்கிறேன்.
முதல்வர் ராமா முதலில் இது ஒரு ஆன்மீகப் பள்ளி என்றுதான் கூறினார். ஆனால் சில சமயம் எல்லாம் கலந்த மிக்சராகி விடுவது வழக்கம். பரவாயில்லை உலகத்தோடு ஒட்டி வாழ கற்றுக்கொள்ள வேண்டும்.
இங்கு லீவு எடுப்பது மிக சுலபம் யார் வேண்டுமானாலும் லீவு எடுக்கலாம். முதல்வர் கண்டு கொள்ள மாட்டார்.
திரு நடேசன் ஒரு நல்ல ஆசிரியர் அவர் எல்லோருக்கும் மனம் உருகி பிரார்த்தனைச் செய்வார். இங்கு எனக்கு ரொம்ப பிடித்தது பிரார்தனைக்கூட்டம் எல்லோருடைய நலத்திற்கும் கூட்டுப் பிரார்த்தனை செய்யும் போது அந்த சக்தியே மிகவும் சக்தி வாய்ந்தது.
தவிர போட்டிகளும் வைத்து எங்களை ஊக்குவிக்கிறார்கள்.
பரிசும் உண்டு.
நிலாரசிகன் ஒரு கவிஞன் பெயரைப பார்த்தாலே தெரிகிறது
இல்லையா? நிலாவை அவர் ரசிக்கிறார் நாம் அவர் கவிதைகளை ரசிக்கிறோம். கவிதைகள் நிலாவைப்போல் குளிர்ச்சியாக இருக்கிறது
அடுத்தது சுரேஷ் நான் பார்த்து பழகி இருக்கிறேன். உயர்ந்த சிந்தனைகள். உயர்ந்த செயல்கள். தவிர அவரது கவிதைகள் சமூகத்தில் நடக்கும் சம்பவத்தை அப்படியே படம் பிடித்துக் காட்டி
அப்பப்பா...அவர் கவிதைகளுக்கு நான் தலை வணங்குகிறேன் pen is mightier than sword ,,,
என்பதை ஊர்ஜிதம் செய்து இருக்கிறார் சமூக சேவை மனப்பான்மை மிகவும் உண்டு.
அவரிடமிருந்து நிறைய கல்வி எனக்கு கிடைக்கிறது.
அடுத்தது நான் பார்த்த பேரில் விஷி என்னும் விசுவநாதன். அப்பா அந்த அன்பு கொண்ட முகத்தை பார்த்துக் கொண்டே இருக்கத் தோன்றுகிறது தெய்வத்தை அவன் முகத்தில் கண்டேன் அவர் புத்திக்கூர்மையைச் சொல்வதா? இல்லை பணிவைச் சொல்வதா?
மொத்தத்தில் அவர் ஆன்மா ஒளி விட்டுப் பிரகாசிக்கிறது. அவரைப் பெற்ற தாய் தந்தையை வணங்குகிறேன்.
குமரன் மாலி ரொம்ப அழகாக தமிழ் மொழி பெயர்ப்பார், பஜகோவிந்ததை எழுதி வருகிறார்
விழியன் பக்கம் என்று உமாநாத் நல்ல கவிதகளை எழுதி வருகிறார்.
ரிஷி ரவீந்திரன் முதலிலேயே எனக்கு பழக்கம் ஆல்பா மைண்ட் பவரில் நாங்கள் படித்த போது அவரை எனக்குத் தெரியும் ரொம்ப சாந்தமானவர் ஆன்மீகத்தில் மிகவும் ஈடுபாடு உண்டு இந்தத் தடவை சிறந்த கதைக்குப் பரிசு பெற்றிருக்கிறார்.
எல்லா மாணவர்களும்வெற்றியுடன் அதிகமா மார்க் எடுத்து பிரின்ஸ்பால் ராமாவுக்கு நல்ல பெயர் வாங்கி கொடுக்கிறார்கள்.
திரு ராமா அனுமான் பக்த்ரானதால் அவரைப் போல் பக்தி, வீரம் பராக்கிரமம் அடக்கம் பணிவு எல்லாம் நம்மிடமிருந்து எதிர்பார்க்கலாம்.
ஆகையால் நாமும் அவருக்கு உறு துணையாக நின்று வெற்றி நடை போடுவோம். வாழ்க நம்பிக்கை பள்ளி வளர்க நடத்திவரும் ஆசிரியர்கள்.
விசாலம்

யார் அந்தக் குள்ளன்?

நண்பன் வீட்டில் குதூகலப் பேச்சு,
நேரம் தான் எப்படி ஓடிப் போச்சு?
சுற்றிப் போனால் வீடு தூரம்,
குறுக்கு வழியில் மனது பாரம்,
வானம் இருண்டது, துணையுமில்லை
ஒரே இருள் சூழ, விளக்குமில்லை ,
மாலை முடிந்து இருளும் வந்தது,
மழையும் மேகமும் திரண்டு வந்தது,
என் நடையை நான் வேகமாக்க,
ஒரு முண்டாசுக்காரனை நடுவில் பார்க்க
சொன்னான் அவன்

"இந்தாகிலேபோகாதீங்க
பேய்னு சொல்லுறாங்க"

நடுக்கம் கண்டது உடலிலே
தொடர ஆசை மனதிலே,


"பேயாவது பிசாசாவது
என்ன செய்யப் போவது அது?"

என் எண்ணம் பலமாய் வலுக்க,
துணிச்சல் அதிகம் பெருக்க
நடையைக் கட்டினேன்,
மேலே தொடர்ந்தேன்,

சலக் சலக் என்ற சத்தம்
கலங்கியது என் சித்தம்
கண்டேன் ஒரு பிரகாசம்
லாந்தரில் ஒரு வெளிச்சம்,
வந்தான் ஒருவன் மிக குள்ளமாக
அன்புடன் அழைத்தான் பொறுப்பாக

"நான் வழி காட்றேன் சார்,
பயமில்லாமல் வாங்க சார்"

குனிந்த தலை நிமிரவில்லை,
குரலில் ஒரு பிசிறும் இல்லை.
எங்கும் மௌனம் பின் நடந்தேன்
மனம் கனக்கப் பேச்சுக் கொடுத்தேன்

"உண்டா இங்குப் பேயின் நடமாட்டம்"

"கவலையா? விடுங்கள் முகவாட்டம்
நான் இருக்கேனே விளக்குடன்
மேலே நடங்கள் பலத்துடன்,"

எல்லைக்கோடும் வந்தது,
எனக்கும் துணிச்சல் வந்தது

"குனிந்த தலை நிமிராது
உதவும் நீ யாரப்பா?"

"ஹா..ஹா..ஹா..!"பேய்ச்சிரிப்பு வெடித்தது
விளக்கைத்தூக்கி மேலே பிடித்தது
முகம் தான் இருக்க கண் மூக்கு வாயுமில்லை,
நான் கீழே விழுந்தேன் எனக்கு மூச்சுமில்லை
இப்போது நான் குள்ளனுக்கு நண்பனானேன்
முகமில்லாத ஒரு பேயானேன்,
கட்டிலிலிருந்து கீழே விழுந்தேன்
எல்லாம் கனவு என்றும் உணர்ந்தேன்
பேயின் நாவல் படித்த விளைவு
கொடுக்கப் போனேன் இதற்கொரு களைவு .
,,,,,,,,,,,,,,,,,,,,,,,,,,,,,,,,,,,,,
அன்புடன் விசாலம்

என்னைப்பற்றி


அன்பு குழுவினரே என்னைப் பற்றி நீங்கள் நம்பிக்கை மூலமாகத் தெரிந்து கொண்டிருபீர்கள் இருப்பினும் முத்தமிழில் சேர்ந்த பின் திரும்பவும் எழுதுகிறேன் நான் பிறந்ததிலிருந்து பம்பாய் வாசி. திருமணம் ஆன பின் தில்லிவாசி. நான் கற்றுக்கொண்ட கலை, பாட்டு வயலின் ஹார்மோனியம். சிறிதுகாலம் நாட்டியம் பாட்டிலும் வயலினிலும் முன்னுக்கு வந்து என் அக்கா கலயாணி பாலகிருஷ்ணா பாட என் வயலின் கச்சேரி எப்போதும் இருக்கும் மற்ற கலைகள்,படங்கள் வரைவது,நாடகங்களில் நடிப்பது. சிறு வயதிலிருந்தே தமிழ் மீது மிகவும் ஈடுபாடு ஆனதால் எப்படி தேர்ச்சி பெறலாம் என்று யோசித்து பம்பாய் தமிழ் சங்கத்திலும் பாரதி கலாமன்றத்திலும்அங்கத்தினர் ஆனேன் நிறையப்புத்தகங்கள் படித்து கொஞசம் அறிவுவந்தது. ஏதோ சிறு அணிலும் அணைக்கட்ட ராமருக்கு உதவியதுபோல், எழுத்தின் மேல் ஆர்வம். பல கவிதைகள் ஆத்ம திருப்திக்கு எழுத ஆரம்பித்தேன்.ஆங்கிலத்திலும்,ஹிந்தியிலும் எழுதினேன் பரிசுகள்... பேச்சுப்போட்டி எழுத்துப்போட்டியில் நிறைய வந்துள்ளன. பாராட்டியவர்கள்...திரு.கி.வாஜகன்னாதன்,திரு.கி.ஆ.பெ.விசுவநாதம்,
திரு.நாடோடி,திரு.கல்கி, திருமதி.ஆனந்தி ராமசந்திரன்,திரு.சுபஸ்ரீ முதலியவர்கள் என்னை ஊக்குவித்து வெற்றிப் படிகளில் ஏற வைத்தவர் இது போல் பல பேர்கள். அவர்களை நான் இன்றும் வணங்குகிறேன். நாடகம் என்றால் எனக்கு உயிர்.பல நாடகங்கள் லேடீஸ் கிளப் வழியாக நடித்திருக்கிறேன் ஹிந்தி மொழியில் ஆர்வம் கொண்டு,ராஷ்ட்ர பாஷா ரத்னா வரை படித்து மஹாராஷ்ட்ராவிலேயே இரண்டாவது இடம் வந்து மெடலும் புத்தகப்பரிசும் வாங்கின நாள் எனக்கு இன்றும் பசுமையாக இருக்கிறது என் ஆசிரியர் தொழில் ஆரம்பித்தது என் 16 வயதில் அது தான் என்னை முழுவதுமாக ஆக்கிரமித்துக் கொண்டது அது தான் என் golden period. மற்ற hobby: austrology, numerology,palmistry,namalogy and vastu என் அப்பா தான் என் குரு என் 45 வயதிலிருந்து கற்றுக்கொண்டவை...reiki grandmaster.pranik healing, magnified healing,gayatri healing, siddha sakthi alpha mind power ....art of living ..isha yoga mnavalakalai ...flower therapy homeopatiy and sujok therapy {accupressure}தற்போது ரேக்கி க்ளினிக்கில் ஹீலிங் செய்து வருகிறேன் ஆன்மீகத்தில் மிகவும் ஈடுபாடு, சமூக சேவையும் முடிந்த வரை செய்கிறேன் அன்னையும் பாபாவும் என் மூச்சில் எப்போதும் இருக்கிறார்கள் என் வாழ்க்கை முழுதும் நிறைய miracles.அந்த இறைசக்தியால் தான் எனக்கு எல்லாமே நடந்து வருகிறது நான் அன்பினால் அன்புக்காக அன்புடன் வாழ்கிறேன் அன்பே கடவுள்!அன்பையே அள்ளித்தருவோம் வாருங்கள் அன்புடன் விசாலம்.

குழந்தைகளின் தினம்







குழந்தைகளுக்கு ஒரு தினம் , எங்களுக்குக் கொண்டாட்டம் எங்குப் பார்த்தாலும் போட்டிகள் ஜெயித்தால் சிறந்தப் பரிசுகள் கை நிறைய சாக்கலேட்டு பள்ளியில் அளிக்கும் பிஸ்கெட்டு மாலை வந்தால் பொருட்காட்சி, நடப்பது அன்று எங்கள் ஆட்சி, சாச்சா நேருவின் பிறந்த நாள் எங்க்ளுக்கு ஒரு சிறந்த நாள் அவர் கனவை நனவாக்குவோம் வாழ்த்துக்களிலே நீந்துவோம்.

அன்புடன் விசாலம்

உண்மையே...பேசுங்கள்!


என் செல்லக் குழந்தைகளே,..நீங்கள் எப்போதும் உண்மையே பேச வேண்டும் உண்மை பேச பயமே இருக்கக்கூடாது உண்மைப் பேசினால் எப்போதும் உங்களுக்கு நன்மையே கிடைக்கும் நல்லப் பெயர் புகழ் கிடைக்கும். இதற்கு ஒரு சின்னக் கதை சொல்லவா? ஒரு நாட்டில் ஒரு ராஜா இருந்தார், அவருக்கு ஒரு அருமையான். உண்மையே பேசும் மந்திரி தேவைப்பட்டது அதனால் அவர் எல்லோரிடம் இதைப் பற்றிப்பேச அழைத்தார் எல்லோரும் அவர் குறிப்பிட்ட நாளில் கூடிவிட்டனர். அப்போது அவர் எல்லோருக்கும் ஒரு விதை கொடுத்து அதை அதை நன்கு வளர்த்த பின் வந்துக் காட்டும்படி கூறினார். யாருடைய செடி செழிப்பாக இருக்கிறதோ அவருக்கு மந்திரி பதவி என்றும் சொன்னார். எல்லோரும் அதை வாங்கிச் சென்றனர்.. அதைக் காட்டுவதற்கு ஒரு நாளும் குறிப்பிட்டார், ராஜா வருகிறார் பராக் பராக் என்ற ஒலியுடன் ராஜா நுழைந்தார் சிம்ஹாசனத்தில் அமர்ந்தார். அவர் சொன்ன அந்தக் குறிப்பிட்ட நாளும் வந்தது எல்லோரும் அவரவர் செடியைக் காட்டினர். "என் செடி காய்க்க ஆரம்பித்துவிட்டது என்றான் ஒருவன். "என் செடி ஐந்து அடி வளர்ந்து விட்டது" என்றான் மற்றொருவன், இதே போல் நிறைய பேர் சொன்னார்கள். கடைசியில் ஒரு பையன் வந்தான் ராஜாவின் காலில் விழுந்து நமஸ்கரித்தான் பின் சொன்னான் "அரசர் அவர்களே இதோ என் மண்செட்டி. இதில் நான் நீங்கள் கொடுத்த விதையை நட்டேன் ஆனால் இரண்டாம் நாளே அழுகி விட்டது செடி வளரவில்லை. " மற்றவர்கள் கனவு நிலையில் இருந்தனர் தனக்குத்தான் மந்திரிப்பதவி என்று கற்பனையில் மிதந்தனர் அரசர், பையனிடம் கேட்டார் "ஏன் நீ சரியாகத் தண்ணீர் விடவில்லையா?"
" அது இல்லை மன்னா ,,ஒரு நாளிலேயே அந்த விதை தண்ணீருடன் சேர்ந்து அழுகிப் போயிற்று." அரசர் அவனை அணைத்துக் கொண்டார். பின் எழுந்து நின்று சொன்னார் " இவன் தான் என் வருங்கால மந்திரி " கேட்டவர்கள் எல்லோரும் விக்கித்து நின்றனர் பிறகு அரசரிடம் கேட்டனர் "அரசே இது ஞாயமா? நாங்கள் இவ்வளவு செழிப்பாய் வளர்த்து கொண்டுவந்திருக்கிறோம். இந்தப் பையன் வெறும் காலி மண்சட்டியைக் காட்டினான் இவனுக்கா...மந்திரி பதவி? எல்லோரும் கச முச என்று கத்த ஆரம்பித்தனர் நிறுத்துங்கள்...நான் சொல்லப் போவதைக் கேளுங்கள் என்று மன்னர் சொல்ல சத்தம் நின்றது ராஜா சொன்னார் "அட முட்டாள்களா? நான் கொடுத்த விதைகளெல்லாம் வேக வைத்து காய்ந்தது. அது எப்படி முளைக்கும்? ஆகையால் நீங்கள் செடி வளர்ந்த்து என்று சொல்வதெல்லாம் சுத்தப்பொய். இந்தப் பையன் தான் உண்மைப் பேசினான் அவனுக்குத்தான் மந்திரிப் பதவி. இப்போது புரிகிறதா? எல்லோரும் வெட்கத்தால் தலை குனிந்தனர். குழந்தைகளே இப்போது தெரிந்ததா? உண்மைப் பேசுவதி பரிசு. இந்தக் கதை நம் பகவான் பாபா அவர்கள் சொன்னது அவருடைய 81 வது பிறந்தநாள் நவம்பர் 23 அன்று வருகிறது குழந்தைகள் என்றால் அவருக்கு ரொம்ப பிடிக்கும் எப்போதும் அவரது ஆசிகள் உங்களுக்கு கிடைத்துக்கொண்டே இருக்கும்.

அன்புடன் உங்கள் அம்மம்மா


Sunday, April 1, 2007

செல்லக்குழந்தைப் பேசுகிறாள்




உங்கள் எல்லோருக்கும் வணக்கம்!
நான் சின்ன பொண்ணு பேசறேன் ஏன் தெரியுமா? நவம்பர் 14 எங்கள் தினம். புரிலையா? அதான் 'குழந்தைகள் தினம்'. இன்னிக்கி எங்களுக்கு ரொம்ப மஜாதான். என்ன மஜா னு கேட்கறீங்களா? வந்து...வந்து...எங்க ஸ்கூல்லே பிஸ்கெட், சாக்கலேட்டு தருவா, எங்க மிஸ், எங்கம்மா ரொம்ப நல்ல அம்மா, எங்கம்மா சொன்னா, வந்து...வந்து, இன்னிக்கி சாச்சா நேஹ்ரு பிறந்த நாளாம், எங்கம்மா சொல்றா அவருக்கு குழந்தைகள்னா ரொம்ப ரொம்ப பிடிக்குமாம். அவர் சட்டேல எப்போதும் ரோஜாப்பூ வச்சுப்பாராம் அவர் சொல்வாரம் நாங்கள்லாம் தோட்டத்தில் வளரும் அழகான மொட்டுக்கள்னு. அப்புறம்...வந்து... வந்து...

நாங்கல்ல்லாம் இப்ப குழந்தைகள்தானாம் ,,,ஆனாக்க பின்னாலே வரப் போற சிடிசனாம் அம்மா சொன்னா ....,, ஆமாம் சிடிசன்னா என்ன? இன்னும் என்ன சொன்னா எங்கம்மா ,,,,,, மறந்துப்போச்சே ஹா ஞாபகம் வந்திடுச்சு குழந்தைகள் தான் இந்தியாவை இன்னும் சிறப்பாக்கற அஸ்திவாரமாம், நான் சின்னவ அதனாலே நான் அவரைப் பாத்ததில்லை. அம்மா போட்டோ காட்டினா நல்ல வெள்ளைத்தொப்பியோடசிரிச்சிண்டு சட்டைலே ரோஜா சொருகிண்டு ஜம்னு இருந்தார், குழந்தைகள்னா அணைச்சு சிரிச்சு பேசி மகிழ்வராம் , அதான் அவர் பிறந்த நாள் குழந்தை தினமா கொண்டாடறா,,,,, எனக்கு எங்கம்மா ஔவையார் படம் போட்டுக் காட்டுவா நான் சூப்பர் ஸ்டாரும் பாப்பேன்னு சொன்னேன் சரி ராகவேந்திரா படம் காட்றன்னு சொல்லிருக்கா சாயங்காலமா மேலா அழைசிண்டு போவாளே ஹாய் ஜாலி அங்கு ராட்டினம் சுத்துவேன். நிறைய விளையாட்டு இருக்கும் ஆனா அங்கிள்...ஓ ஸாரி! எங்கம்மா அங்கிள் ஆண்டி, மம்மி டேடி எல்லாம் கூப்பிடாதே அழகாக தமிழில் கூப்பிடுன்னு சொல்லுவா.

பின் என்ன கூப்படறது மாமான்னு கூப்பிடவா? நான் ஒண்ணு கேக்கறேன் எங்களுக்குன்னு ஒரு நல்ல டிவி சேனலாரம்பிச்சு அதிலே எங்கம்மா கதை சொல்லுவதுபோல அரிச்சந்திரன் ராமதாஸ் சிவாஜி கட்டபொம்மன் தேசத்தலைவர்கள் எல்லாம் அனிமேஷன் போல செஞ்சு காட்டுங்களேன் ஆஆ சொல்ல மறந்துட்டேனே எங்கிட்ட ஹனுமான் அனிமேஷன் படம் இருக்கே..! எனக்கு ரொம்ப பிடிக்கும் ஐயோ..!வளவளனு பேசிண்டே போறேன் இந்தக் குழந்தைகள் தினத்திலே எங்களை வாழ்த்துங்கோ பார்க்கலாம்..! சரி என் பேரு சொல்லையே! நான் தான் விசாலம் 4ஆங் கிளாஸ்...


பின் குறிப்பு:குழந்தையாக மாற ஆசை ஆகயால் இந்தக் குழந்தைகள் தினத்தில் கற்பனைக் குழந்தையாக மாறி என் ஆசையைத் தீர்த்துக் கொண்டேன் அப்பா! எவ்வளவு நிம்மதியாக இருக்கிறது


.........அன்புடன் விசாலம்

வீர மகன் சர்தார் பகத் சிங்



மார்ச்-23.
வீரமகன் தேசபக்தன் தியாகி இளைஞன் சர்தார் பகத் சிங்கின் நினைவு நாள்.
அவருக்கு இந்தக் கவிதை சமர்ப்பணம்!

"சட்லஜ் நதியின் கல கல ஓசை
அதன் அருகில் தூங்க உனக்கும் ஆசை
ஹூசன்வாலா சமாதிக்குள் நீ
நிரந்தரமாக சஹீத் ஆனாய்
சந்தூ குடும்ப ஆதவன் நீ
பகத் என்ற தேச பக்தன் நீ
சந்தன மணம் பரப்பினாய்
சிங்கமாய் கர்ஜனை எழுப்பினாய்
பதிமூன்று வயதில் ஒரு புரட்சி
ஆனது ஆங்கிலேய ஆட்சிக்கு ஓர் மிரட்சி
ஸர்காரின் புத்தகங்ளுக்கு தீ
அவர்களது உடைகளுக்கும் தீ
பரவியது எங்கும் சுதந்திர தீ
அடிக்கு அடி என்றும் செய்தி
அஞ்சா நெஞ்சம் கொண்ட தங்கமே
வெடிகுண்டை வைத்த இளம் சிங்கமே
"இன்கலாப் ஜிந்தாபாத்" என்ற கோஷம்
கிளம்பியது நாட்டில் ஆக்கிரோஷம்
ஆங்கிலயேர் மீது கொண்டது துவேஷம்
கலைந்து போனது அவர்களது வேஷம்,
லாலா லஜபதிராயின் கொலை
வைத்தாய் ஆங்கிலேயருக்கு உலை
சுட்டாய் அவனைத் திட்டத்துடன்
தூக்கிலும் தொங்கினாய் மகிழ்ச்சியுடன்
உன் தேசப்பற்றை என்னவென்று சொல்ல
யாரும் நிகரில்லை உன்னை வெல்ல ,
உன்னை நாங்கள் எப்படி மறப்போம்
உன்னைப் பெற்ற வீரத்தாயையும் வணங்குவோம்!"

அன்புடன் விசாலம்