ஜனவரி 12 ல் ஸ்வாமி விவேகானநதரின் பிறந்த நாள் ,இந்தத் தினம் தேசியஇளைஞர்களின் தினமாகக்கொண்டாடப்படுகிறது ஒரு இளைஞன் தேசப் பற்று ,வீரம் , ஒழுக்கம் மனிதநேயம் நற்பண்புகள் ,தளர்ந்து போகாத நெஞ்சம் ,இலட்சியத்தை நோக்கி வெற்றிப்பாதை வகுத்தல் ,மனோதைரியம் ,பெரியவர்கள் மேல் அன்பு மரியாதை முதலியவைகளைக் கொண்டிருந்தால் அந்தநாடும் முன்னேறும் என்கிறார் சுவாமி விவேகானந்தர் அவர் மேலும் அவர் சொல்வது"நம்பிக்கையே இறைவன் .....தன்னிடம் தானே நம்பிக்கை இழப்பது இறைவனிடம்நம்பிக்கை இழப்பதாகும் ""தூய்மையும் ஞானமும் நம்மிடமிருந்து வெளியேறும் போதுதான் சமயச்சண்டைகள் மனிதனிடம்ஆரம்பமாகின்றன""பெயர் புகழ் சொர்க்கம் என எதுவொன்றையும் கருதாமல் நன் முயற்சிகளில்ஈடுபடுவார்கள் எல்லாநாடுகளிலும் இருக்கிறார்கள் .தாம் வாழும் மக்களின் நடுவே பயன் கருதாமல்நறுமணத்தைப் பரப்பிக்கொண்டுஇருக்கும் மலர்களைப் போன்றவர்கள் இவர்கள்" அவர் வாழ்க்கையில் ஒரு அனுபவம் ஒரு முறை ஸ்வாமி விவேகானந்தர் ரயிலில் பயணம் செய்துக்கொண்டிருந்தார் அப்போது சில ஆங்கிலேயர்கள்ஏறினர் விவேகானந்தரின் உடை அவரது முண்டாசு போன்ற கோலத்தைப் பார்த்துசிரித்தனர் ஆங்கிலத்தில் கேலி செய்தனர் எல்லாம் இவரும்கேட்டுக்கொண்டிருந்தார் ,பின் ரயில்நிலைய அதிகாரி வந்தார்அவருடன் சுவாமி சரளமாக ஆங்கிலத்தில் பேசினார் ,பின் ஒரு ஸ்டேஷனின் ரயில் நின்றுவிட்டுக் கிளம்பியதும் அவர்கள் கேட்டனர்'நாங்கள் உங்களைப் பற்றி கேலியாகவும் கிண்டலாகவும் பேசினோமே!நீங்கள் ஏன் ஒன்ரும்கேட்கவில்லை? கோபமும் வரவில்லை?சண்டைக்கும் வரவில்லையே?"அதற்கு அவர் விடையளித்தார்"" நான் முட்டாள்களச் சந்திப்பது இது முதல் தடவையல்ல"அந்த மஹானுக்கு கரம் குவித்து வணங்குகிறேன் ,,அவரது பிறந்த திதி சப்தமிதிதியில் ஹஸ்த நட்சத்திரம்இந்த மாதம் 17ந்தேதி வருகிறது
Saturday, January 24, 2009
தாய்க்கு நிகரேது ?
மரங்களில்லாத சாலையைக்கண்டேன்
,நாணயமில்லா வர்த்தகம் கண்டேன் ,
தன்நலமிக்க மக்களைக் கண்டேன்
,பண்பில்லாத கல்வியைக் கண்டேன் .
நேர்மையற்ற அரசியல் கண்டேன் .
குறுகிய மனத்துடன் கூட்டங்கள் கண்டேன்
.விரிந்த பார்வையில்லாத மதத்தினைக் கண்டேன்
ஒற்றுமையற்ற ஜன சமுதாயம் கண்டேன் ,.
அன்பில்லாத உறவினர்கள் கண்டேன்
உறவினரில்லா வீட்டைக்கண்டேன்
போலி சாமியார் வளர்வது கண்டேன் ,
இதயமில்லா விக்ஞானம் கண்டேன்
அர்த்தமற்ற கொச்சை பாடலகள் கண்டேன்
அனுபவமில்லாத உபதேசம் கண்டேன்
ஆடைக்குறைவின் பேஷன் கண்டேன்
.பிஞ்சிலே பழுக்கும் மழலைகள் கண்டேன்
தீவிரவாதம் வலுக்கக் கண்டேன்
பணத்திற்கு கொலையும் செய்யக் கண்டேன்
பாசம் ,அனபு குறையக் கண்டேன்
லஞ்சப்பேய் வளரக் கண்டேன்
முதியோர் இல்லத்தில் கூட்டம் கண்டேன்
.விவாகரத்தும் பெருகக் கண்டேன்
தேர்தலில் தில்லுமுல்லு நடக்கக் கண்டேன்
,எல்லாப்பொருளிலும் கலப்பைக்கண்டேன்
இத்த்னையும் கண்டேன் ,கண்டேன்
ஒன்று மட்டும் மாறாது இருக்கக் கண்டேன்.
அதுவே தாயின் உள்ளமெனெ
என் மனம் சொல்லக்கண்டேன்
அங்கு வற்றா பாசம் கண்டேன்
இதற்கு நிகரேது என புரிந்தும் கொண்டேன் .'
Posted by
Meerambikai
at
9:09 AM
0
comments
கலைவண்ணம் அங்குக்கண்டேன்
நான் ஒரு சமயம் மணவர்களைச் செஞ்சிக்கோட்டைக்கு அழைத்துப் போயிருந்தேன்.அங்கு ஒரு பெரிய மஹாவிஷ்ணு அழகாக ஒரு குன்றின் மீதுபள்ளிக்கொண்டிருக்கிறார் ,இந்தச்சிலையைப்போல் பெரிய சிலை வேறு எங்கும்கிடையாது என நினக்கிறேன் இது மஹாபலிபுரத்தில் உள்ள சிற்பக்கலையை ஒட்டிஅமைந்த ஒன்று செஞ்சிக்கோட்டைக்கு மூன்று மைல்களுக்கு அப்பால் இந்தப்பள்ளிக்கொண்ட பெருமாளைக் காணலாம் சிலையின் நீளம் இருபது அடி ,உயரம்ஒன்பது அடி சிங்கவரத்தில் அமைந்த இந்த ரங்க நாதனை வழிப்பட்டவன் நம் தேசிங்கு மன்னன். தெய்வீக அழகில் உருவ அமைப்பில் இதன் அழகு சொல்ல இயலாது திண்டிவ்னத்திலிருந்து திருவண்ணாமலைப்போகும் பாதையில்பிரசித்தப்பெற்றசெஞ்சிக்கோட்டையைக் காணலாம் அங்கு இருக்கும் ஒவ்வொரு தூணும் மிகவும் அழகாக சிற்பக்களஞ்சியமாக விளங்குகிறதுகோட்டை வாசலில் நம்மை வரவேற்பவன் ஒரு வீரன் அவன் பெரிய மீசையுடன்கம்பீரமாக கையில் கத்தியும் கேடயமுமாக நின்றுக்கொண்டிருக்கிறான், அதைத்தாண்டிப்போனால் இன்னொருஅதிசயத்தைக் காண்கிறோம் ஒரு சிறு குன்றில் ஆஞ்சநேயர்விஸ்வரூப காட்சி நமக்கு அளிக்கிறார். மிகச் சக்தியுள்ள ஆஞ்சநேயரைப்பார்க்கவும் நேர்த்திகடனைச் செலுத்தவும் மக்கள்வந்தவண்ணம் உள்ளனர் .மலைக்கோட்டைக்குள் நெற்களஞ்சியங்களைக் காண்கிறோம்.அத்துடன்கொத்தளங்களும் பெரிய கலயாணமண்டபங்களும் இருக்கின்றன ,இவைகள் பழைய மன்னர்களின்சாதனைகளுக்கு மிக சிறந்த எடுத்துக்காட்டு , மதுரை வீரன் சிலையும்,,தாயும் சேயும் மகிழும் குரங்குகளின் சிலைகளும் மிக அற்புதமாகச்செதுக்கப்பட்டுள்ளன கோட்டைக்குள் ஒரு பாழடைந்தவெங்கடநாரயணரின் கோயிலும் காண்ப்படுகிறது பகைவர் வாரமல்காத்துக்கொள்ள பெரிய அகழியும் கட்டப்பட்டிருந்தன .உள்ளே நடக்க நடக்க பல காண இருக்கின்றன ,நான் இதற்கே மிகவும் களைத்து விட்டதால் அதிகம் பார்க்க இயலவில்லை,இளைஞர்களுக்கு மலை ஏறும் பயிற்சிக்கும்adventure செய்யவும் மிகச் சிறந்த இடம் ,பல பள்ளியிலிருந்துஇந்த இடத்திற்கு உல்லாசப்பயணம் செய்கிறார்கள் கூடவே சரித்திரமதிப்புப் பெற்ற திரு தேசிங்கு ராஜனின் கோட்டைகளையும்காட்டுகிறார்கள்.இது போல் சரித்திரப்புகழ் பெற்ற பல இடங்களைக்காட்ட மாணவ மாணவிகளின் மனது விரிவடையும் தேச் வீரர்களைப் பற்றிதெரிந்துக்கொள்ளவும் முடியும் வெறும் ஏட்டுப் படிப்பை விட இது போல்practical knowledge மிகவும் உதவுகிறதுமனதில் ஆணித்தரமாக பதிகிறது ,
Posted by
Meerambikai
at
9:05 AM
0
comments
பகுள பஞ்சமி
ஸ்ரீ த்யாகராஜ ஆராதனை பகுள பஞ்சமி அன்று திருவையாற்றில் அவரது பிருந்தாவனத்தில் மிகச் சிறப்பாக நடக்கும். அன்றையத் தினம் பெரிய சங்கீத மேதைகள் அவர் இயற்றியப்பஞ்ச ரத்ன கீர்த்தனங்களைப் பாடுவார்கள்.அப்போது அவரது சிலைக்கும் அபிஷேகம்அராதனை,பூஜைகள் நடக்கும் .அவர் வாழ்க்கையில் நடந்த ஒரு சம்பவம் .அவர் தன் ஐந்து வயதிலிருந்தே ஸ்ரீராமநாமத்தைஜபிக்க ஆரம்பித்தார் சுமார் 95கோடிகள் ஜபித்திருக்கிறார், ஒரு சமயம்அவ்ர் திருப்பதிகோவிலுக்குப் போய் திரும்பி வந்துக் கொண்டிருந்தார் அப்போது ஒரு இடத்தில்ஒரே கூட்டம் ,.என்னவென்று விஜாரித்ததில் ஒருவன் கிணற்றில் விழுந்துஇறந்து விட்டான் என்றுத் தெரிய வந்தது அதாவது ஒரு பிராமணன் தன் மனைவி,குழந்தையுடன் அங்கிருக்கும் ஒரு கோவிலுக்குப் போனான், இருட்டிவிட்டதுஒரு ஆலயத்திற்குள்சென்று இரவைக் கழித்துவிட்டுச் செல்ல நினைத்தான் ஆனால் அந்தக் கோவில் உள்ளேத்தாழிடப்பட்டிருந்தது என்ன செயவது என்றுத் தெரியாமல் அங்கிருக்கும் மதில்மேல் ஏறி உள்ளேக் குதித்து பின் உள் இருக்கும் தாழ்பாளைத் திற்க்கலாம்என்று எண்ணி உள்ளேகுதித்தான் அவ்வளவுதான் டம் என்றச் சத்தத்துடன் கிணற்றில் விழுந்து விட்டான்நீரில் மூழ்கி தத்தளித்து செத்துப்போனன் ,.அவள் மனைவி வாசலில் தன்கணவன் இவ்வள்வு நாழியகியும் வெளியில் வரவில்லையெ என்று கவலையுடன்அழுது ஊரைக் கூட்டினாள் /எல்லொரும் கோவில் உள்ளேத்தேடி பின் அவனைக்கிணற்றிலிருந்து வெளியே எடுத்தார்கள்.அவன் கழுத்தில் துளசி மாலைஇருந்தது அவன் சிறந்த விஷ்ணு பகதன் என்று தியாகராஜஸ்வாமிக்குத்தெரிந்து,பின் "நா ஜீவோ தாரா என்றுத் தெலுங்கில் ஒரு பாட்டு அதாவது அந்த மனிதனின் உயிரைத் தந்துவிடு ராமாஎன்று உள்ளம் உருகிப் பாடினார் அந்த உயிர்ப் போன மனிதன் உறங்கி எழுந்தவன் போலஉயிர்ப் பெற்று நின்றான் .என்னபக்தி! என்ன ராம நாமத்தின் மகிமை ,,,,,, "ராம நாமம்" ஒரு சிறந்த மந்திரம் இதை எப்போதும் ஜபிக்கலாம்ப்டுக்கையிலும் ஜபிக்கலாம் அதன் சக்தியே தனிவாருங்கள் நாமும் ராம நாமம் சொல்லலாமே ,,,,,,,,,,,, பொங்கல் நன்நாளுடன் திருவள்ளுவர் தினமும்ஸ்ரீ தியாகபிரும்மத்தின் ஆராதனை தினமும் சேர்ந்து வந்த இந்நாளை மறக்காமல்வழிபடுவோம் விசாலம் ,
Posted by
Meerambikai
at
9:01 AM
0
comments
பொறுப்பை உணரும் நாள் எதுவோ?
ஒருவன் தான் செய்யும் பணியே தெய்வமாக மதித்து செயல்படவேண்டும் அதில் தான்அவனது சிறப்பு அடங்கியுள்ளது சில வங்கியில், வாடிக்கையாளர்கள் செக் புத்தகத்துடன் நிற்க ஊழியர்களில் ஒருவள் தன் செல்லில் சிரித்து பேசிக்கொண்டிருக்கிறாள் சரியென்று அடுத்த இடத்தில் போனால் அங்கு.மற்றொருவன் தான் குடிக்கும் டீயை ரசித்துக்கொண்டிருக்கிருந்து தன்அருகில் இருக்கும் ஒருவனிடன் போகும்படி கையைக்காட்டுகிறான் .அங்குச்சென்றால் அது தன் வேலை இல்லை அதைக்கவனிக்க வேறு ஒருவர் வரவேண்டும் என்றுகூறி வேலையில்லாமல் அமர்ந்திருக்கிறான் ,வேறு சிலர் தான் பார்த்தசினிமாவை விமர்சன்ம் செய்துகொண்டிருக்கிறார்கள் ,இவர்களது வேலை அரசுசமபந்தப்படிருப்பதால் பாதுகாப்பானது ஆகையால் ஒருவரும் ஒன்றும் செய்யமுடியாது என்ற எண்ணம் ஆழமாகப் பதிந்து இருக்கிறது தவிர அப்படி யாரையாவது விலக்க நேர்ந்தால் யூனியன் சேர்ந்து வேலை நிறுத்தம் என்று ஆரம்பித்து விடுகிறார்கள்,தில்லியில் ஒரு பெயர் போன வங்கியில் குளிர்காலத்தில் ஆபீஸ் வந்துஅமருவதே 10 மணிக்கு மேல். அதுவும் தவிர குளிருக்காக சூடான டீ குடித்து முடிக்க ஒரு 30 நிமிடம்,பின் 1 மணி ஆவதுற்கு முன்பே லஞ்சுக்கு தயார் ஆகிவிடுகின்றனர்.சிலர் சாதாரண் மனிதனானாலும் தன்னைப் பிறர் முன்னால் ஒரு பெரிய மனிதனாய்க் காட்டிக்கொள்வார்கள் அவர்கள் நம்மை முட்டாள் ஆக்கியும் விடுவார்கள்;சிலர் ஒழுங்காக வேலைச்செய்பவனையும் மாற்றி " நாளை பார்த்துக்கொள்ளலாம் இப்போது கிளம்புபார்டிக்கு " என்று வலுக்கட்டாயமாக இழுத்தும் போய் விடுகிறார்கள் ,மாதா அம்ருதானந்தமயி மா ஒரு சொற்பொழிவில் சொன்ன கதை ஞாபகம் வருகிறதுசேனையில் ஒருவனுக்கு கர்னல் பதவி கிடைத்தது வேலைஉயர்வு தான் புதியபொறுப்பு எடுத்துக்கொண்ட அவனுக்குத் தலைகால்தெரியவில்லை அன்றே அந்தக்கர்னலைப் பார்க்க ஒருவன் வந்தான் அவன் உள்ளேநுழைந்ததும் கர்னல்போனை எடுத்து "ஹலோ யர்ர் பேசுவது? ஜனதிபதி கிளிண்டனா?குட் மார்னிங் ?எதாவது விசேஷம் உண்டா ?நான் இன்றுதான் சார்ஜ்எடுத்துள்ளேன் நிறைய பைல்கள் குவிந்து இருக்கின்றன நான்பின்னர் பேசுகிறேன் "இப்படிப்பேசி அந்தப்போனை வைத்தார் வந்தவன் அங்கேயே நின்றுக்கொண்டிருந்தான் ."ஏனப்பா என்ன வேண்டும்? இன்னும் ஏன் நின்று கொண்டிருக்கிறாய்?கர்வமான குரலில் கேட்டார்வந்தவன் " மன்னிக்க வேண்டும் நான் தொலைப்பேசி நிலயத்திலிருந்துவருகிறேன் உங்கள் போனுக்கு உடனேகனெக்சன் கொடுக்கும்படி உத்தரவு கிடைத்தது நேற்று வைத்த போன் இது,அதற்கு இன்னும் கனெக்சன் கொடுக்கவில்லை அதில்தான் நீங்கள் பேசினீர்கள் "இந்த இடத்தில் முட்டாள் ஆனது யார் ?இதுபோல் தினமும் பலமுறைகள் நாம் முட்டாள் ஆகிறோம்தற்பெருமை நம்மை எங்கு இழுத்துச்செல்கிறது ?முன்பு காபி ஆற்றிக்கொடுத்து இட்லி விற்ற ஒருவர் தனது உழைப்பினாலும்அந்தப் பணியைத் தெய்வத்திற்கு சம்ர்ப்பித்துவிட்டுமுயற்சியையே மூலதமாகக் கொண்டார் இன்று அவரது ஹோட்டல்பல வெளிநாடுகளிலும் வியாபித்து இருக்கிறது .
Posted by
Meerambikai
at
8:57 AM
0
comments
தேசிங்கு ராஜன்
சிங்கவரம் அருள்மிகு அரங்கநாத ஸ்வாமி ஆலயம் மிகப்பழமை வாய்ந்தது ,இதுசெஞ்சிக்கு வடக்கே ஐந்து கிமீ தூரம் உள்ளது இக்கோயில் மலையின் மேல் இருப்பதால் 125 படிகளைக் கடக்க வேண்டும்,எல்லோரா போல் ஒரே பாறையைக்குடைந்து செய்யப்பட்டக்கோயில் ,,,,,இந்தப்பாறையிலேயே முன் புறம் இரு தூண்கள் மிகப்பெரிய அளவில் நிற்க உள்ளே நீண்ட கருவறை தெரிகிறது .அங்கு ஆதிசேஷன் சுருண்டுக் கிடக்க அந்தப்படுக்கையில் அனந்தசயனமாக அரங்கன் சயனித்திருகிறார் , இந்த அரங்கன் தான் தேசிங்கு ராஜாவின் தெய்வம் ,எந்த வேலைச்செய்தாலும் இந்தஅரங்கனிடம் சொல்லிவிட்டு தான் செய்வாராம் இங்குத் தாயார்சன்னதியும் இருக்கிறது தேசிங்கு ராஜன் தன் செஞ்சிக்கோட்டைஅரண்மனையிலிருந்தே அந்த்க் கோயிலுக்குச்செல்ல சுரங்கப்பாதைஅமைத்தாராம் அவனது ராணியும் மற்றத்தோழிகளும் பாதுக்காப்பாகச்செல்லவும் இந்தச்சுரங்கம் உதவப்பட்டது எந்தப்போருக்குச்சென்றாலும் தேசிங்கு இந்த அரங்கனிடம் உத்தரவு பெற்றபின் தான் செல்வாராம் அவரது கடைச்ப்போரின் போதும் அந்த ரங்கநாதனிடம்"நான் போருக்குப்போகவேண்டும்உத்தரவு கொடுங்கள் என்று கேட்டார் ,ஆனால் அரங்கநாதன் உத்தரவு தராமல் தன் சிரத்தை திருப்பிக்கொண்டார் என்றும் சொல்லப்படுகிறது மொகலாயப்பேரரசின் படைத் தளபதியாக ஸ்வரூப் சிங் என்பவர் மிகத்திறமையுடன் கைக்கொடுத்தார் பல எல்லைகளை விரிவுபடுத்தினார் , 17ம் நூற்றாண்டில் செஞ்சியில் ஒரு பகுதியை ஆட்சிக்காகத்தேர்ந்தெடுக்கப்பட்டு ஸ்வரூப் சிங் அங்கு அனுப்பப்பட்டார். இந்த ஸ்வரூப் சிங், அவரது மனைவி ராமாபாய்க்கு சிங்கம் போன்று அழகியவீரன் பிறந்தான். அவனது பெயர் தேஜாசிங் இந்தத் தேஜாசிங்தான் ராஜா தேசிங்கு ஆனார் , சிறுவயதிலேயே பல ஆயுதங்களுடன் விளையாடுவான் புலிகளுடன் சண்டைப் போடுவானாம் ,தில்லியில் நீலவேணி என்ற குதிரையை அடக்க ஸ்வரூப் சிங்அழைக்கப்பட்டார் ஆனால் அவரால் அதை அடக்க முடியவில்லைஇதனால் அந்த மன்னன் இவரைச் சிறையில் அடைத்தான் சிறுவன் தேஜாசிங் தன் தந்தையைக் காணாமல் தாயிடம் இதைப்பற்றிக்கேட்டான் அதற்கு அவன் தாய் அவர் சிறையில் அடைக்கப்பட்டக் காரணத்தைக்கூறினாள் உடனேயே அங்குச்சென்றான் அப்போது அவனுக்கு 15 வயது தானாம்அந்த நீலவேணி என்ற குதிரையை அடக்கி தன் தந்தையை மீட்டுவந்தான் , இதற்குப்பரிசாக படைத்தலைவன் பீம்சிங் தன் மகளைத் திருமணம் செய்துக்கொடுத்தான்.ஸ்வரூப்சிங் ஆட்சியைத் தொடர்ந்தார் ஆனால் இறந்து போனார் .தேசிங்கு ராஜாவாக விரும்பினான் ஆனால் அவனை ராஜாவாக முடிச்சூடுவதை ஆர்க்காட்நவாப் மறுத்தார் ஏனென்றால் தேசிங்கு தில்லியில் கப்பம் கட்ட மறுத்ததே காரணம் . ஆனாலும் அஞ்சா நெஞ்சத்துடன் பரம்பரை உரிமை விடாமல் எதிர்ப்புகளையும் முறியடித்துவிட்டு தானே மன்னராகமுடிசூட்டிக்கொண்டார்ஆர்க்காடுநவாப் போருக்கு அழைத்தான் அப்போதுதான் தான் போருக்குப்போகலாமா என்று அரங்கனைக் கேட்க கோயிலுக்குச்சென்றார் ஆர்க்காடு நவாப்மீது அவர் மிகவும் கோபத்தில் இருந்ததால் போருக்குச்செல்லும் வேகமும் அதிகமாக இருந்தது , கோயிலில் திருவரங்கன் தன்தலையைத் திருப்பி மறுப்புத்தெரிவித்தும் ஆறிலும் சாவு நூறிலும்சாவு நான் மடிந்தால் வீரமரணமாக மடிவேன் என்று கூறி போருக்கு வந்தார். தர்மத்தை,மீறி ஆர்காடு நவாப் சாததுல்லாகானால் நயவஞ்சகமாக தேசிங்கு கொல்லப்பட்டார் என்று கூறப்டுகிறது. அவருடன் அவர் மனைவியும் உயிரை விட்டாள் ,நீலாம்பூண்டி கிராமத்தில் தேசிங்கு ராஜனின் சமாதியும் படைத்தளபதி முகம்மதுகானின் சமாதியும் இருக்கின்றன. கூடவே அவனது உயிருக்குக்குயிராய் நேசித்த குதிரை நீலவேணியின் சமாதியும் இருக்கிறது அரங்கன் சன்னதியில் திருமணம் செய்தால் எல்லா வளமும் பெற்று தம்பதிகள் மிகச்சிறப்பாக வாழ்வார்கள் என்று நம்புகிறார்கள் இங்கிருக்கும்மக்கள். ,மார்கழி மாதம் சொர்க்கவாசல் திறப்பு விழாவும் வைகுண்ட ஏகாதசியும் சிறப்பாக நடைப்பெறுகின்றன பூதேவியுடன் வாராக மூர்த்தியும் அமைந்துள்ளது இங்குஅமையப்பெற்ற குளமும் சுனையும் இயற்கை எழிலில்அழகுடன் விளங்குகிறது மாசிமகம் திருவிழாவும் வீதிஉலாவில்அரங்கன் அலங்காரங்களுடன் ஆடி அசைந்து வருவது ந்ம்மைப்பரவசமடைய்ச்செய்கிறதுஅங்கு இருக்கும் கிராம மக்கள் இன்றும் தேசிங்கு ராஜனின் சரித்தரத்தைநாட்டுப்பாடலாக பாடுகின்றனர் வில்லுப்பாட்டும் நடக்கிறதுஎல்லாம் அவருடைய வீரம் தீரம் வெளிப்படும் பாட்டுக்கள் இத்தனைச்சிறுவயதிலேயே பலப்போர்களைச்ச்ந்தித்து வெற்றிக்கண்டு செஞ்சியை ஆண்டதேசிங்கு என் மனதில் ஒரு இடத்தைப் பிடித்துக்கொண்டு விட்டார் என்றுசொல்லவும் வேண்டுமா ?
Posted by
Meerambikai
at
8:46 AM
0
comments
குடியரசு தினம் 1950
என் தந்தையின் டைரியிலிருந்து குடியரசு தினம் ஜனவரி 26 -- 1950 என் தந்தையின் டைரியில் முதல் குடியரசு தினம் கொண்டாடிய குறிப்பு இருந்தது தில்லியில் நடந்த நிகழ்வும் சென்னையில் நடந்த நிகழ்வும் இருந்தன , சென்னையில் நடந்ததை எழுதுகிறேன்குடியரசு தினத்தை முன்னிட்டு 8000 கைதிகள் விடுதலைச் செய்யப்பட்டனர்மாலை ஐந்து மணிக்கு சென்னை கார்ப்பரேஷன்ஸ்டேடியத்தில் விழா நடக்க இருந்தது பகல் 2 மணியிலிருந்தே கூட்டம் சேரஆரம்பித்து விட்டது சுமார் இரண்டு இலட்சம் இருக்கலாம்.திடீரென்று நிசப்தம் ,,,, கோச்சு வண்டியின் சப்தம் ஆம் கவர்னர் தம்பதி கோச்சில் ஸ்டேடியத்தை நோக்கி வந்துகொண்டிருந்தனர் . நெருக்கமாக இரு குதிரைகள் ராஜ நடைப் போட்டு அவரது கோச்சுடன் வந்துக்கொண்டிருந்தன அதில் ஒருவர் போலீஸ் உதவி கமிஷனர் திருஆர் எம் மகாதேவன்மற்றொருவர் சார்ஜெண்ட் மேஜர் லூயிஸ் ,,,,கவர்னரின் வரவேற்பு மிகப்பிரமாதமாக இருந்தது. சென்னையின் முதன் மந்திரிபி எல் குமாரசாமி ராஜா ஓடி வந்து வரவேற்றார்,போலீஸ் படையும் மரியாதைச் செலுத்தினர் அங்கு ஒரு மேடையில் தேசியக்கொடி தயாராக வைக்கப்பட்டிருந்தது கவர்னர்அங்குச் சென்று தேசியக்கொடியைப் பறக்கச் செய்தார் பின் அதற்குமரியாதை அளித்தார் உடனே இராணுவப்படைகளும் மரியாதைச்செலுத்தின ,மாலையிலிருந்து இரவு வரை மெரினா கடற்கரையில் வாணவேடிக்கை கண்களுக்கும் மனதுக்கும் விருந்தாக இருந்ததுவனொலியில் சிறப்பு நிகழ்ச்சி ஏற்பாடு செய்யப்பட்டிருந்தது காலையில் வந்தேமாதரம் பாடல் டீஅர் விஸ்வநாத சாஸ்திரிதொகுத்தது பின்மதுரை சோமசுந்தரம் கச்சேரி ,பின் டில்லியில் நடந்தகுடியரசு விழாவின் நேர் முக வர்ணனை ,மாலைதிருவெண்காடுபி சுப்பிரமண்யப்பிள்ளை நாதஸ்வரம் பின்குமாரசுவாமி ராஜாவின் குடியாட்சி சிறப்புறை ,,என் எஸ் கிருஷ்ணன ,டிஏ மதுரம் அவர்களின் "விந்தை மனிதன் "இரவு திருமதி எம்.எஸ் சுப்பலட்சுமி அவர்களின் கச்சேரி ,,,,,இத்துடன் வானொலி நிகழ்ச்சியும் முடிவடைந்தது ,,,,,,,,ஆஹா பழையகால என் தந்தை நினவுகளை நானும் மனதில்கொண்டுவந்து பார்க்கிறேன் இப்போது டிவியில் பல சானலகள்அதில் கச்சேரி என்பது மிக மிக குறைவு ,பல சினிமா கதாநாயகர்கள் நாயகிகள்வந்து தங்கள் அனுபவங்களைப்பகிர்ந்து கொள்கின்றனர் யாராவது தேசத்திற்கு உழைத்து எங்கேயோ ஒரு சின்னவீட்டில் வாழ்ந்து வரும் சுதந்திர தியாகிகளைக் கண்டு பேட்டி எடுத்துடிவி முன் அழைத்து கௌரவிக்கலாமே ,இதே போல் அந்தக்காலத்தில் இருந்தகவிஞர் எழுத்தாளர் ,தியாகிகள் வீரர்கள் போன்றவர்களை அழைத்துஅவர்கள் அனுபவங்களைப் பகிர்ந்துக்கொள்ளச்சொல்லாமே என் இனிய குடியரசு வாழ்த்துகள் அன்புடன் விசாலம்
Posted by
Meerambikai
at
8:41 AM
0
comments

