Sunday, April 1, 2007

முட்டாள் தினம்

“முட்டாள் தினம்" ஏப்ரல் ஒன்று. இதைப் பார்த்தால் சென்னையில் அநேகமாக தினமும் இந்த நாட்கள் தான்। யாராவது ஒருவர் ஏமாந்து கொண்டுதான் இருக்கிறார்கள். ஏமாறுபவர் இருக்க ஏமாற்றுபவர் பாடு ஜாலிதான். நான் புதிதாகச் சென்னை வந்தபோது ஒரு கலயாணம்

சென்றேன் இறங்கும் இடத்தில் நான் ஓட்டுனருக்கு ரூ.200 கொடுத்து ரூ110 எடுத்துக்கொண்டு,

மீதியைக் கொடுக்கச் சொன்னேன்। அவன் அருகில் இருக்கும் கடையில் மாத்தித் தருவதாகச் சொன்னவன் வரவே இல்லை.

நான் கலயாணப் பந்தல் வாசலில் கால் கடுக்க நின்று விட்டு பின் ஏமாந்து திரும்பினேன். இந்த ஏப்ரல் முட்டாளில் ஒரு நன்மை. நாம் எததனை ஏமாற்றம் வந்தாலும் அதைச் சிரித்துக்கொண்டு ஏற்றுக்கொள்ளப் பக்குவம் வருகிறது.

முகத்தில் அசடு வழிந்தாலும் ஒரு வழியாக வழிந்து விட்டுப் பின் சமாதானம் ஆகிறோம்.

என் பள்ளியில் இந்த ஏப்ரல் முட்டாள் தினத்தில் போலீஸ் வரும்படியாகி விட்டது. சில மாணவர்கள் ஒரு பந்து போல் சணலைச் சுற்றி ஒரு மைதானத்தின் செடிக்கு அருகில் ஒளித்து பயந்தாற்போல் நடித்து, பாம் என்று வதந்தி கிளப்பி ஓடி வந்தார்கள்। ஒரே பரபரப்பு போலீஸுக்கு சொல்லி அனுப்பி அவர்கள் வர சின்னக் குழந்தைகளைப் பொறுப்பாய் வீட்டிற்கு அனுப்ப,

பின் போலீஸ் டிடெக்டிவ் மெஷீனால் அதைப் பார்க்க பின் தைரியமாக அதைப் பிரிக்க சணல் நூல் த்ரௌபதி வஸ்திரம் போல் வந்து

கொண்டே இருந்து பின் கடைசியில் ஒரு துண்டு காகிதம் அதில் எழுதி இருந்தது.

ஏப்ரல் fool போதுமா? மனக் கஷ்டம் சமயம் வீண்.

டென்சன் பாதி நேரம் படிப்பு இல்லாமை,

இத்தனை கஷ்டம் கொடுத்து இந்த ஏமாற்று வேலை

வேண்டுமா? யோசிக்க வேண்டிய விஷயம்.

இது போல் பெரியக் கம்பெனியான " டேகோ பெல்" 1996 ல் தான் லிபர்ட்டி மணியை பல கோடி ரூபாய்களுக்கு

வாங்கி விட்டதாக அமெரிக்கன் டைம்ஸில் விளம்பரம் கொடுத்தது அதன் பெயரும் டேகோ லிபர்ட்டி பெல்.

என்று மாற்றி விட்டதாக அறிவித்தது மறு நாள் தெரிந்தது இது ஏப்ரல் fool என்று. இதே போல் டென்மார்க்கும் ‘டவர் ஆஃப் பீசா “பீசா கோபுரம் சாய்ந்து விட்டதாக டூப் விட்டது.

இந்த நாள் தான் முதன் முதலில் புது வருடம் ஆக

கொண்டாடப் பட்டு வந்தது. அதாவது மார்ச் கடைசி

வாரத்திலிருந்து ஏப்ரல் முதல் தேதி வரை கொண்டாட்டம்

இஷ்டப்படி அலங்காரம் ஹாஸ்யம் என்ற பெயரில்

கன்னாபின்னா பேச்சுக்கள் பரிமாறிக்கொள்வார்களாம்

இது "பீஸியன் ஜோடியக் ஸைன்" என்பதால் எல்லா தின் பண்டங்களும் சாக்லெட் கேக் போன்றவைகள் மீன்

வடிவில் ஆக்கி விற்பார்கள் பின் முதன் முதலில் பிரான்ஸ் தான் முதல் வருடம் ஜனவரி

ஒன்று என்று ஆக்கியது ஸ்காட்டில் இதை "கௌக்கி

"gowkie day என்றும் இங்கிலாந்தில் இதை நாட்டி டே

{noddy day “என்கின்றனர் அன்று அலைகள் புரளுவதுப்

போல் உடைகள் கீழே புரள முன்பு பெணகள் வலம்

வருவார்களாம்.

இங்கும் ஒரு புராணைக்கதை இருக்கிறது ரோமனின்

ஒரு பெண்தெய்வம் "ஸிரிலியா " தன் மகளின் எதிரொலியைக்

கேட்டு ப்ளூட்டோ உலகத்தில் நுழைந்ததாகப் பார்த்து

அந்த எதிரொலியை வைத்து அவளைக் கண்டுபிடிக்க

முயன்றும் முடியவில்லை. எதிரொலியில் கண்டு பிடிப்பது ஒரு முட்டாளான காரியம் என்று உணர்ந்து இதை முட்டாள் தினம் ஆக ஆக்கிவிட்டாளாம்

இது நம் நாட்டில் தேவதைக் கதைகள் போல் உள்ளது, வசந்த ருது வரும் கொண்ட்டாட்டமாக இதைக் கருதலாம் நம் ஹோலிப் பண்டிகைப்போல்...

ஆனால் இது மிக அவசியமான ஒன்று என்று

எண்ணத் தோணவில்லை எத்தனையோ ஆக்கப்

பூர்வமாக செய்ய வேலைகள் பல இருக்க இது தேவையா என்று தோன்றுகிறது.


அன்புடன் விசாலம்

நீ தகப்பன் ஆகிறாய்!

என்ன வயது உனக்கு?
பதிமூன்று வயது பாலகனோ!
கல்வி கற்கும் வயதில்,
காப்பி ஆற்றி கொடுக்கிறாய்!
உண்டு களிக்கும் வயதில்
உணவாகக் கஞ்சி குடிக்கிறாய்,
ஆடி ஓடித்திரியும் வயதில்
ஆழ்ந்த சிந்தனையில் வாழ்கிறாய்,
பள்ளிக்கு போகும் வயதில்
பஜ்ஜி சுட்டுத் தருகிறாய்,
இன்ப கனவு காணும் வயதில்
இட்லி கொண்டு வைக்கிறாய்
"பாக்கெட் மணி" வாங்கும் வயதில்
டிப்ஸ் கிடக்குமா என்று ஏங்குகிறாய்.,
ஏனைய நண்பர்கள் விளையாட
ஏக்கத்துடன் பார்க்கிறாய்
பொறுப்பு வந்தது எதனாலோ?
நோயாளி அம்மாவைக் காப்பாற்றவா?
குடிகார அப்பனுக்கு காசு தரவா?
தம்பி தங்கையை மேல் தூக்கவா?
ஓட்டை வீட்டின் வாடகை தரவா?
தகப்பன் இருக்கும் போதே
நீ தகப்பன் ஆகிறாயே!
பொறுப்பில்லாத தகப்பன்
குழந்தை ஆகிறானே!
உன் உழைப்புக்கு பரிசு உண்டப்பா!
உன் கடமைக்கு அருளும் பொழியுமப்பா,


விசாலம்

ராம வம்சம்



ராமருடைய வம்சம் மிகவும் சிறந்தது. அவருடைய முன்னோர்கள் பல அரிய காரியங்களைச் செய்து சிறப்பு காரணப் பெயர்கள் கிடைக்கச் செய்தவர்கள். ஜனகமஹாராஜா சீதையின்
சுயம்வரம் முன் விசுவாமித்திர முனிவரிடம் ராமரைப் பற்றியும் அவர் வம்சத்தைப் பற்றியும்
கேட்டதில்

அவர் மரபுக் காரணப் பெருமைகளைக் கூறினார்.
மனுசக்கிரவர்த்தி நீதி வழுவாமல் அரசாட்சி செய்து தரும சாஸ்திரத்தில் சிறந்து விள்ங்கினார்.
அதுதான் மனு வம்சம் .
பிருகு சக்கிரவர்த்தி பாணம் போட்டு பூமியை செழிப்பாக்கி, பூமித்தாய் வளத்தை மலரச் செய்தவர். ராமனின் முன்னோர்
இஷ்வாகு மன்னன் ஸ்ரீரங்கநாதனைக் குலதெய்வமாகக் கொண்டு தான் என்ற பிரும்மாவின் அகந்தயை ஒழித்தவர் அதலால் ராமன் இஷ்வாகு குலத்தினன். காகுஸ்தன் என்ற மன்னன் இந்திரனுக்கு தேவ அசுரப் போரில் உதவி போர்களத்தில் எந்த வாகனமும் இல்லாததால் இந்திரனே வாகனமாகி காகுஸ்தனை சுமந்து நின்று உதவினான் காகுஸ்தன் போரில் வெற்றி பெற்று இந்திரனைக் காப்பாற்றினான். அதனால் ராமனுக்கு காகுஸ்தன் என்ற பெயரும் உண்டு.

தன் சதையை ஒரு புறாவுக்காக அரிந்துக் கொடுத்த சிபி சக்கிரவர்த்தியும் அந்த வம்சம்தான்.
அதனால் ராமனுக்கு செம்பியன் என்ற பெயரும் உண்டு.
கங்கையை பூமிக்கு கொண்டு வந்த பகீரதனும் ராமனின் முன்னோர்கள்
இந்துமதி என்ற பேரழகி சும்வரத்தில் அஜன்

என்பவனுக்கு மாலையிட்டாள். பிற அரசர்களை எதிர்த்து அஜன் இந்துமதியை தனது தோளில் வைத்து தூக்கி வந்து மணந்தான்.

அந்த அஜனின் குமாரன் தான் தசரதன். தசரதனின் குமாரன் ராமன். அவன் வம்ச சிறப்பு மிகவும் தருமம், காருண்யம், வீரம்,சாந்தம் என்ற பல பெருமைகளைக் கொண்டது.

வெளிநாட்டில் நம் இளைஞர்கள்

தற்கால இளைஞர்கள் இந்தியாவிலிருந்து வெளி நாட்டில் சென்று பின் திருமணம்
செய்து கொண்டு அங்கேயே குடும்பம் நடத்துகிறார்கள்.

அங்கு இருக்கும் பல பேர்களின் வீட்டிற்கு போகும் வாய்ப்பு எனக்கு கிடைத்தது அவர்கள் நடத்தும் வாழ்க்கையை நான்
வாழ்த்திப் பாராட்டுகிறேன். கணவன், மனைவி
ஒருவர்க்கொருவர் புரிந்து கொண்டும்,விட்டுக்கொடுத்தும் வேலைகளின்
பளுவை சமமாகப் பிரித்து பகிர்ந்துக் கொண்டு வாழ்கிறார்கள்.
ஒருவர்கொருவரின் உணர்வை மதிக்கிறார்கள்.
நான் என் மகன் ராஜாவைப் பார்க்க லண்டன் போன போது நிறைய புது அனுபங்கள்ஏற்பட்டன. ஏர்போர்ட்டில் இற்ங்கியவுடன் என் மகன் என்னிடம் ஓடி வந்து அணைத்துக் கொண்டு கன்னத்தில்

ஒரு முத்தமும் கொடுத்தான். பின் என் மருமகளும்
அதே போல் செய்தாள் திரும்பி பார்த்தேன் அந்த நாட்டு கலாசாரப்படி எல்லோரும் தங்கள் அன்பை இதே போல் பறிமாறிக் கொண்டனர். சில வித்தியாசமான காட்சிகளும் இருந்தது. காரின் அருகில் செல்ல என் மருமகள் தான் ஓட்டும் இடத்தில் அமர்ந்துகொண்டு,
"உங்கள் அம்மாவுடன் பேசிக்கொண்டு வர வசதியாக இருக்கும் அதனால் நான் ஓட்டுகிறேன்"
என்றாள் என் மனம் நெகிழ்ந்தது வீடு வந்தோம் தரையே காண முடியவில்லை எல்லாம் கார்பெட்தான். சேர்ந்து சாப்பிட்டவுடன் என் மகன் எல்லா பாத்திரங்களையும் எடுத்துப் போய் உள்ளே வைக்கப் போனவன் வரவேயில்லை. ரொம்ப நேரம் ஆனது
நான் மெள்ள கிச்சன் போய் பார்த்தேன் அவன் டிஷ் வாஷரில் பாத்திரங்களை போட்டுக் கொண்டும் மேடையெல்லாம் கையில் உறைமாட்டிக் கொண்டு சுத்தப் படுத்திக் கொண்டிருந்தான்.

என் மருமகள் வாசலில் grass cutting machine னால் கார்டெனய் சரி செய்து கொண்டிருந்தாள். நான் உள்ளே போய் "நகர்ந்து கொள், நான் அலம்புகிறேன்"என்றேன். அவன் "நீங்கள் ரெஸ்ட் எடுங்கள்" என்றான்
என் மனம் பதைத்தது ஒரு பெரிய கம்பெனியின் CEO இப்படி மேடை சுத்தப் படுத்துகிறானே என்று தோன்றியது என் மனது கேட்கவில்லை தாயின் மனம் ஆயிற்றே!
ஆனால் என் உணர்வுகளைப் புரிந்த்து கொண்டு அவன்

"அம்மா நாங்கள் வீட்டு வேலைகளைப் பகிர்ந்து turn by turn ஆக செய்கிறோம். இன்று என்னுடயை டெர்ன் அதனால்
எங்களுக்குள் வேலை பளு ஏற்படுவதில்லை பதிலாக அன்பு அதிகமாகிறது"என்றான்.
நமது நாட்டில் கணவர் கையில் டம்ளர் தண்ணீருடன் கொடுத்து

அந்தப் பாத்திரத்தை வாங்கிப் போகும்வரை அந்த அம்மா அங்கேயே நின்று எடுத்துப் போவாள். அதில் ஒரு ஆனந்தத்தைக் கண்டிருக்கலாம் ஆனால், அந்த அப்பா சும்மா உட்கார்ந்திருந்தாலும். மனைவியை வேலைக்கு ஏவுவது ஞாயமாகப் படவில்லையே
மறு நாள் குழந்தைகளை குளிப்பாட்டி டிரெஸ் செய்வது என் மகனின் வேலை
பள்ளிக்கு சாப்பாடு தயார் செய்து கொடுப்பது மகள் வேலை. அவசரமாக தன் மகனுக்கு ப்ரெட்டை வாயில் கொடுத்துக் கொண்டிருந்தான் என் மகன்.
சரி எல்லாம் பார்க்க நன்றாகத்தான் இருந்தது ஆனால் என் மனம் பழைய சம்பவத்தில்
ஓடியது. என் மகன் பரீட்சையின் போது அவன் படிக்க நான் அவன் வாயில் ரொட்டி
தாலில் {dhal }தோய்த்து ஊட்டி விட்டது ஞாபகம் வந்தது.

அந்தப் பையன் இப்போது தன் பையனுக்கு அதே வேலை செய்கிறான் இதுதான் காலச் சக்கிரத்தின் சுழலோ
சனி ஞாயிறு அங்கு ஓய்வுதினம் தன் குடும்பத்தின் மகிழ்சிக்கென்றே ஒதுக்கப் பட்ட தினம். எல்லோரும் எங்கேயாவது ப்ளான் போட்டுக் கொண்டு காரில் கிள்ம்பிவிடுகின்றனர்
கையில் தின் பண்டங்கள் மற்ற சாப்பாட்டு பொருட்களுடன் பாட்டும் இசைய கிளம்பி விடுகிறார்கள். 5 நாட்கள் கடும் உழைப்புக்குப் பின் மூளைக்கு ரெஸ்ட் and relaxation
குடும்பத்திற்கும் நேரம் செலுத்துதல் அங்கு மிக முக்கியம். அவர்கள் குடும்பம் என்பது

கண்வன், மனைவி குழந்தைகள்தான் வெளியில் நடந்தால் கை கோர்த்து தோளுடன் தோள் சேர்த்து
நடப்பதைக் காணலாம் இதற்கு வயது வரம்பு இல்லை. எல்லா வயதினரையும் இதேபோல் பார்க்க நமது கலாசாரம்
நினவுக்கு வந்தது கண்வனுக்கும் மனைவிக்கும் {பழைய காலம் ]ஒரு 4 அடிகள் இடைவெளி
கண்டிப்பாக இருக்கும் என் குடும்பத்திலேயே பார்த்திருக்கிறேன்
இந்தக் குடும்பத்தில் எல்லோரும் கையில் டென்னிஸ்ரேக்கெட் அல்லது table tennis bat and ball
swimming pool dress என்றுஎடுத்தும் போய் விடுகிறார்கள் திரும்பி வரும் போது மணி 8 ஆகி விடும் வழியிலேயே பிஸ்ஸா பெர்கர் போன்றது

வயிற்றுக்குள் போய் விடுவதால் வீட்டிற்கு வந்து ஒரு சினிமாவோ அல்லது இண்டோர் கேம்ஸோ விளயாடி விட்டு
அன்றைய பொழுது முடிகிறது
என்க்கு என்று பார்ட்டிகளும் நடந்தன. அதில் என்ன சிறப்பு என்றால் ஒரு சின்ன sandwich
செய்தாலே கணவன் fantastic என்று புகழ்ந்து தள்ளுகிறான் அதில் "எனக்கு எல்லாமே அவள்தான்" என்று கண் சிமிட்ட அவளைத்தட்டிக் கொடுக்கிறான். இதைப் பற்றி என்
மகனிடம் கேட்டேன். நாங்கள் இருவரும் ரொம்ப friends போல் பேசிக் கொள்வோம்.
"ஏன் ராஜா எல்லோரும் ஒரேபோல் சொல்லுகிறார்களே! உண்மையா போலியா என்று தெரியவில்லையே" என்றேன் வெளிநாட்டிற்கு வந்தாலே இது எல்லாம் வந்து விடும் போலிருக்கிறது என்று சிரித்தான்.
என் வெளியூர் பயணத்தில் பல நல்லவைகளையும், சில ஒதுக்கபடவேண்டியதாகவும் இருந்தன. பிறகு அவைகளைப் பகிர்ந்து கொள்கிறேன்.


விசாலம்

பாரதியார் நினைவு நாள்



அன்று செப்டம்பர்-11,

பத்து வருடங்களுக்கு முன்…

என் மனம் பின்னோக்கி போயிற்று

நம் பாரதியைப் பற்றி ஹிந்தி பேசும் மக்களுக்கும் தெரிய வேண்டும் என்று எண்ணம் ஓங்க...
பள்ளியில்... ஒரு போட்டியும் மேடையில் கொண்டாடவும் ஏற்பாடு செய்தேன்.

மாணவிகளுக்கு
"வாழிய செந்தமிழ்" கற்றுக் கொடுத்தேன். நம் தமிழ் மொழியில் இருக்கும் 'ழ' என்ற சிறப்பு

எழுத்து பஞ்சாபிகளுக்கு தலைகீழ் நின்றாலும் சொல்ல வரவில்லை. அவர்கள் பாடியது
"வாலிய செந்தமில் வாலுக நற்தமிலர் "
எனக்கு சிரிப்பு வந்தாலும் மனம் ஒன்றி கற்றுக்கொண்டு பாடியதுக்கு சபாஷ் தெரிவித்தேன்.

பின் நடந்தது கோலாட்டம், அந்தப்பாட்டும் பாரதியின் புகழ் பற்றித்தான்

"பாரதியார் பாட்டைக் கொஞ்சம் படித்துபாரடி ‘
பாடினாலே தேன் ஊறும் குடித்து பாரடி
கண்ணன் பல தோற்றத்துடன் வ்ந்து போனானே
பாரதத்தாய் கொடிபிடித்து ஆசி தந்தாளே{பாரதியார்}
பத்தினியார் பாஞ்சாலி சபதமே,
படித்தாலே நெஞ்செல்லாம் உருகுதே!
பக்திப் பாட்டு, சக்திப்பாட்டு, குயில்பாட்டு பாடப்பாட,
உள்ளத்திலே ஒரு ஒளி வீசுதே, சக்திப்பிறக்குதே :{பாரதியார்}


பாரதி... முப்பத்தொன்பதுஆண்டு காலம் தான் வாழ்ந்தார்.

அதற்குள் அவர் இயற்றிய கவிதைகள் உயிர் பெற்று உலக முழுவதும் பேரிகைக் கொட்டத் தொடங்கியது.
தனக்கு வயது குறைவுதான் என்பதால் தானோஇவ்வள்வு பெரிய படைப்புக்களை இந்த குறுகிய காலத்தில் படைத்து விட்டார்.
1882ல் எட்டயபுரத்தில் பிறந்த அவர், சிறு வயதிலேயே தாய், தந்தையை இழந்தார்.
அவர் படைப்புக்களை வள்ளுவர் கம்பர் இளங்கோவடிகளுடன் ஒப்பிடலாம். தமிழுக்கே ஒரு விழிப்புணர்வை ஏற்படுத்தியவர்.

சுதந்திரப் போராட்டத்தில் ஈடுபட்டவர்.
பல மொழிகளில் வல்லவர். பெங்காலி, சமஸ்கிருதம், ஹிந்தி,கட்ச்ச், ஆங்கிலம், தமிழ் எல்லாவற்றிலும் நிபுணர். அவர் தமிழைப் பற்றி பாடுகிறார்


"யாமறிந்த மொழிகளிலே தமிழ் மொழி போல் இனிதாவது எங்கும் காணோம்"
பின்னர்

"செந்தமிழ் நாடென்னும் போதினிலே, இன்பத் தேன் வந்து பாயுது காதினிலே"
அவர் ஹிந்துவானாலும் எல்லா மதமும் சம்மதமே
என்றபடி அல்லா. ஜீஸஸ் கண்ணன் என்று எல்லோர் மேலும் கவிதை புனைந்துள்ளார்.
இரண்டு ஜாதிகளைத்தவிர வேறு ஜாதி இல்லை என்று
"ஜாதி மதங்களைப் பாரோம்! உயர் ஜன்மம் இத்தேசத்தில் எய்தியராயின்
வேதியராயினும் ஒன்றே! அன்றி வேறு குலத்தவராயினும் ஒன்றே"
பாடுகிறார். அவர் சுதந்திரப் போராட்டத்தில் ஈடுபட்டு
திலக், காந்திஜி, லாலா லஜபத்ராய், வ..உ சி,
அரவிந்தர் மேலும் கவிதை புனைந்துள்ளார்.
அவர் இந்தியாவை பெரிய சக்தியாகவும், ஆன்மீக சாம்ராஜ்யமாகவும் பார்த்தார்.
"பாருக்குள்ளே நல்ல நாடு ….என்ற பாட்டு பிறந்தது
பல பத்திரிக்கைகளுக்கு எடிட்டர் ஆகவும் இருந்திருக்கிறார்.

(உ-ம்) சுதேசமித்திரன் விஜயா
வந்தேமாதரம் ,பாலபாரதி,சூர்யோதயம் ,,
அவரைப் பற்றியும், அவர் கவிதகளைப் பற்றியும்
சொல்ல சொல்ல காமதேனு போல் பல நல்ல விஷயங்கள் வந்து கொண்டே இருக்கும் அந்த
தீர்க்கதரிசி ஞானி பகவத் கீதையைப் பற்றியும்
எழுதினார். பாஞ்சாலி சபதம், குயில் பாட்டு, கண்ணன் பாட்டு என்ற பட்டியல் நீண்டு கொண்டே போகும்.
ஆகையால் அவர் எழுதிய ஆத்திசூடியுடன் முடித்துக் கொள்கிறேன்

அச்சம் தவிர்!

ஆண்மைத்தவறேல்!
இளைத்தலிகழ்ச்சி.

ஈகைத்திறன்.
உடலினை உறுதி செய்!

ஊண்மிக விரும்பு!
எண்ணுவது உயர்வு

ஏறுபோல் நட!
ஐம்பொறியாட்சிக் கொள்!

ஒற்றுமை வலிமை!
ஓய்தலொழி!

ஔடதங் குறை!

கற்றதொழுகு!


பின் குறிப்பு : பாரதியாரின் பேரன் திரு ராஜ்குமார் எனக்கு மிகவும் பழக்கமானவரவரின் தாயார் லலிதா அவர்களுடன் பாரதியார் பற்றி பேசி இருக்கிறேன் அதை நான் சிற்ந்த பாக்கியமாக எண்ணுகிறேன்
பாரதியாரைப் பார்க்க முடியவில்லை ஆனாலும் அவரின் வம்சம் பழக்கமானது என் பாக்கியம்.

விசாலம்

ஆசிரியர் தினம்



ஆசிரியர் தினம்!
எனக்கு மிகவும் பிடித்த தினம் அன்று எங்களுக்கு பாடம் எடுக்கும் வேலையில்லை.
மணவர்களுக்குள்ளேயே "ஒரு நாள் ராஜா" கதை போல் தலைமை ஆசிரியை யிலிருந்து கடைசி ப்யூன் வரை
அவர்களே பொறுக்கி அன்று அவர்களே பள்ளி நடத்தி பின் எல்லா ஆசிரியர்களுக்கும் ஒரு சின்ன பரிசும்
தருவார்கள். இது தில்லியில் நடக்கும். சென்னையைப் பற்றி இனிமேல் தான் அறிய வேண்டும்.
தவிர இனிப்பும் வழங்குவார்கள். சின்ன பெண்கள் புடவையுடன் ஆசிரியை போல் வந்து பாடம் எடுப்பது
வேடிக்கையாகவும், வியப்பாகவும் இருக்கும். சில டீச்சர் போல் செய்கைசெய்து வேடிக்கை செய்வதும் உண்டு.
"குருசரணாம்புஜ நிர்பர பக்த:
ஸம்சாராத் விசாராத் பவ முக்த:
ஸேந்த்ரிய மானஸ நியமாதேவம்
த்ரக்ஷ்யஸி நிஜ ஹ்ருதயஸ்த்வம் தேவம் :"
குருவே நீங்கள் கடமை கண்ணியம் கட்டுப்பாடுடன் எங்களுக்கும் எங்கள் மனதில் இருக்கும் இறை
சக்தியை மனதார காட்டுங்கள் மாணவரான நாங்கள் நல்ல நம்பிக்கையுடனும் குரு பக்தியுடனும் எங்கள்
வாழ்க்கைப் பாதையை சீர் செய்து குருவின் பெயரைப் பிரகாசிக்க செய்துநல்ல பண்புடன்வாழ சபதம் எடுத்துக் கொள்கிறோம்
செப்டம்பர் 5 டாக்டர் சர்வபள்ளி திரு ராதாகிருஷ்ணரின் பிறந்த நாள் அவர் 1888ல் திருத்தணியில்
பிறந்தார், அவர் மேல் மிகுந்த பாசம் வைத்த மாணவர்கள் அன்பர்களவரின் பிறந்த நாளைக் கொண்டாட
அனுமதி கேட்டனர், அவர் சொன்னார்
"என் பிறந்த நாளைக் கொண்டாடுவதற்கு பதிலாக நாடு முழுவதும்
ஆசிரியர் தினமாக கொண்டாடுங்கள்" என்றார். ஆசிரிய தொழில் மேல் அவர் எவ்வளவு மரியாதை வைத்திருந்ததார் என்று இதிலிருந்து புரிந்து கொள்ளலாம்.
ஆசிரியர் ஒரு உதாரண புருஷராக விளங்க வேண்டும். அவருடைய கல்வி புகட்டும் திறமை ஒருவர் மனதைப் போய் தொடவேண்டும். மரியாதைக் கொடுத்து மரியாதை பெற வேண்டும்.
"To sir with love" படம் பார்த்தால் ஒரு ஆசிரியருடன் மாணவர்கள் நடபின் பாலம் புரியும்.
ஸாக்ரெடிஸ் ஒரு சிறந்த ஆசிரியர். அவர் ஆசிரியாராக இருந்து கொண்டே பல பாடங்கள் கற்றும்
வந்தார் அவர் சொல்கிறார் "ஆசிரியர் நண்பனுக்கு நண்பனாய், ஆசிரியராய் இருத்தல் வேண்டும்.அன்பை அள்ளித் தந்து பாடம் நடத்த வேண்டும்."
ஆசிரியர்களே உங்களுக்கு ஒரு கவிதை.
"ஆசிரியரே நீ மெழுகுவர்த்தி
கறைந்து போகிறாய் -ஆனால்
ஒளியைத்தருகிறாய்
நீ ஒரு நல்ல ஆசான்
ஆனால் சர்வாதிகாரி அல்ல,
மாணவர்கள் மனது ஒரு கண்ணாடி
அது உடையாமல் ஒளிரட்டும்
அன்பு பாசம் பொழிந்துவிடு
மதிப்பை தன்னால் வாங்கி விடு
அவனும் உன்னை மதிக்கட்டும்
நல்ல பெயர் எடுக்கட்டும்
பண்பு நிறைந்த குணமே சிறந்த கல்வி
அது வளர சிறந்த விதையைப் பதித்து விடு
மாணவர்களின் உயர்வு உன் பெருமை!
உலகெல்லாம் பரவட்டும் உன் அருமை
ஓரு நட்பு பாலம் அமையட்டும்
குருவின் பக்தி வளரட்டும்
அன்பெனும் தீபம் எரியட்டும்
இதயத்துள்ளும் ஒளி பரவட்டும்
என் குருவின் ஆசிகள் எனக்கு கிடைக்கட்டும்
வாழ்க ஆசிரியர்கள்!"

குருடன் யார்?



நல்ல பாதை என்று நுழைந்தேன்
பாதை தவறியது,
இருளில் நடந்தேன்,
நடந்து...நடந்து களைத்தேன்,
போகும் இடம் எது?
எந்த திசையில் போகிறேன் ?
கால்கள் தடுமாறின,
நம்பிக்கை ஒளிந்தது,
எதிரிலே முட்டிக் கொண்டேன்
"எங்கே போகணும்?"
ஒரு அன்புக் குரல்
என்னை அழைத்தது
போகும் இடம் சொன்னேன்,
ஒரு கம்பை நீட்டியது,
இறுக்கிப் பிடித்தேன் அதை
அவன் துணையில் நான்
அவ்ன முன்னேறினான்
ஒரு தடங்கலில்லை
ஒரு இடைஞ்சலில்லை
ஒன்றிலும் மோதவில்லை
இருள் போனது
ஒளி தெரிந்தது
"போய் வாங்கோ"
"இனி வெளிச்சந்தான்"
அன்பு குரல்
விடை பெற்றது.
நிமிர்ந்து பார்த்தேன்
பிரமித்துப் போனேன்
கண்ணிருந்தும் நான்
குருடனானேன்
கண்ணில்லாதவன்
எனக்கு வழிக்காட்டி
அவன்மனக் கண் ஒளி
எனக்கும் ஒளி,
அவன் அன்பில்
என் பாதை சீர் ஆனது
நல்ல கண்கள் இருந்தும்
நானல்லவா குருடன்
நம்பிக்கை இழந்து
பாதையை மறந்தேனே

விசாலம்